Dzo kpo yi emenuwo dzi

Aleke Nuwo Ava Nɔ Le Etsɔme?

Aleke Nuwo Ava Nɔ Le Etsɔme?

Ðe nàgblɔ be . . .

  • alea koe nuwo anɔa?

  • nuwo agblẽ ɖe edzia?

  • nuwo ava nyo ɖe edzia?

 NYA SI BIBLIA GBLƆ

“Mawu . . . atutu aɖatsi sia aɖatsi ɖa le woƒe ŋkume, eye ku maganɔ anyi o, eye konyifafa kple ɣlidodo kple vevesese hã maganɔ anyi o. Nu siwo nɔ anyi tsã la nu va yi.”—Nyaɖeɖefia 21:3, 4, Xexe Yeye Gɔmeɖeɖe.

VI KAE ESIA AÐE NA WÒ?

Àkpɔ dɔ nyui si me dzidzeme le awɔ.—Yesaya 65:21-23.

Màgadze dɔ alo akpe fu aɖeke azɔ o.—Yesaya 25:8; 33:24.

Mia kple wò ƒomea kple xɔ̃wòwo mianɔ agbe le dzidzɔ me tegbee.—Psalmo 37:11, 29.

 ÐE MÍATE ŊU AKA ÐE NYA SI BIBLIA GBLƆ DZIA?

Ɛ̃, míate ŋu aka ɖe edzi, le susu eve ta:

  • Ŋusẽ le Mawu si be wòana eƒe ŋugbedodowo nava eme. Yehowa Mawu ɖeka pɛ koe woyɔ le Biblia me be “Ŋusẽkatãtɔ,” elabena eƒe ŋusẽ ƒo ɖe sia ɖe ta. (Nyaɖeɖefia 15:3) Eya ta ate ŋu azã eƒe ŋusẽa atsɔ ana be ŋugbe si wòdo be yeaɖɔ nuwo ɖo le anyigba dzi la nava eme. Biblia gblɔ be: “Mawu gbɔ la, woate ŋu awɔ nu sia nu.”—Mateo 19:26.

  • Mawu di vevie be yeawɔ yeƒe ŋugbedodowo dzi. Le kpɔɖeŋu me, ele Yehowa ‘dzrom vevie’ be yeafɔ ame kukuwo ɖe tsitre.—Hiob 14:14, 15.

Biblia gblɔ hã be Mawu ƒe Vi, Yesu, da dɔ na dɔnɔwo. Nu ka tae wòda dɔ na amewo? Elabena edi be yeakpe ɖe wo ŋu. (Marko 1:40, 41) Yesu ɖe Fofoa ƒe nɔnɔme fia pɛpɛpɛ esi eya hã di be yeakpe ɖe ame siwo le fu kpem ŋu.—Yohanes 5:19.

Eya ta míate ŋu aka ɖe edzi be Yehowa kple Yesu wodi vevie be yewoakpe ɖe mía ŋu míakpɔ dzidzɔ le etsɔme!—Psalmo 72:12-14; 145:16; 2 Petro 3:9.

 BU NYA SIA ŊU KPƆ

Mɔ ka dzie Mawu ato aɖɔ nuwo ɖo le anyigba dzi?

Biblia ɖo nya sia ŋu le MATEO 6:9, 10 kple DANIEL 2:44.