Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

Agbalẽ Ka Ƒomevie Biblia Nye?

Agbalẽ Ka Ƒomevie Biblia Nye?

Ðe nàgblɔ be . . .

  • yevuwo ƒe agbalẽ yea?

  • nyakpakpawo kple glitotowoe le emea?

  • Mawu ƒe nyawoe le emea?

 NYA SI BIBLIA GBLƆ

“Ŋɔŋlɔ blibo la tso Mawu ƒe gbɔgbɔ me.”—2 Timoteo 3:16, Xexe Yeye Gɔmeɖeɖe.

VI KAE ESIA AÐE NA WÒ?

Ana nàkpɔ ŋuɖoɖo na nyabiase siwo ɖea fu na ame geɖe le agbe me.Lododowo 2:1-5.

Àkpɔ mɔfiame nyui siwo nu nànɔ agbe ɖo gbe sia gbe.Psalmo 119:105.

Mɔkpɔkpɔ vavã anɔ asiwò ku ɖe etsɔme ŋu.Romatɔwo 15:4.

 ÐE MÍATE ŊU AKA ÐE NYA SI BIBLIA GBLƆ DZIA?

Ɛ̃, míate ŋu aka ɖe edzi, le susu etɔ̃ ta:

  • Emenyawo wɔ ɖeka kple wo nɔewo. Ame vovovo 40 ye Mawu zã woŋlɔ Biblia le ɣeyiɣi ƒe didime si nye ƒe 1,600 me. Ame siawo dometɔ akpa gãtɔ mekpɔ wo nɔewo kpɔ o. Gake agbalẽ bliboa me nyawo wɔ ɖeka eye woƒo nu tso tanya vevi ɖeka ŋu.

  • Eŋlɔlawo to nyateƒe. Zi geɖe la, ŋutinyaŋlɔlawo meƒoa nu tso dukɔ si me wotso ƒe vodadawo ŋu o. Gake Biblia ŋlɔlawo ya to nyateƒe heƒo nu tso woawo ŋutɔwo kple woƒe dukɔa siaa ƒe vodadawo ŋu.2 Kronika 36:15, 16; Psalmo 51:1-4.

  • Eme nyagblɔɖiwo vaa eme. Hafi woava tsrɔ̃ Babilon-du si nɔ anyi le blema la, Biblia gblɔe ɖi abe ƒe 200 ene do ŋgɔ. (Yesaya 13:17-22) Menye ale si woatsrɔ̃ dua koe Biblia gblɔ o, eyɔ aʋafia si axɔ ŋgɔ woava tsrɔ̃e hã ƒe ŋkɔ!Yesaya 45:1-3.

Biblia me nyagblɔɖi bubu geɖewo va eme pɛpɛpɛ. Ðe menye aleae míakpɔ mɔ be agbalẽ si tso Mawu gbɔ la nanɔ oa?2 Petro 1:21.

 BU NYA SIA ŊU KPƆ

Aleke agbenɔnɔ ɖe Mawu ƒe Nyaa nu aɖe vi na wòe?

Biblia ɖo nya sia ŋu le YESAYA 48:17, 18 kple 2 TIMOTEO 3:16, 17.