Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Ƒe 2017 Takpekpe Gã Ƒe Ðoɖowɔɖi

Nyatakaka Na Takpekpea Valawo

Nyatakaka Na Takpekpea Valawo

KPEKPE TƆXƐWO

BETEL SUBƆSUBƆDƆ Gbeƒãɖela xɔnyɔnyrɔ siwo xɔ ƒe 35 kple esiwo mexɔ nenema o, siwo di be yewoasubɔ le Betel la nawɔ ɖoɖo ayi kpekpe si woawɔ kple ame siwo di be yewoasubɔ le Betel la le Fiɖa ŋdɔ me. Woaɖe gbeƒã teƒe si tututu woawɔ kpekpe sia le kple gamea do ŋgɔ.

NYANYUIGBLƆLAWO ƑE SUKU Míele mɔɖela siwo xɔ tso ƒe 23 va se ɖe 65 eye wodi be yewoakeke yewoƒe subɔsubɔdɔa ɖe enu la kpem be woade kpekpe si woawɔ kple ame siwo di be yewoade Fiaɖuƒe Nyanyuigblɔlawo Ƒe Sukua la le Kwasiɖagbe ŋdɔ me. Woaɖe gbeƒã teƒe si woawɔ kpekpe sia le kple gamea do ŋgɔ.

NYATAKAKA NA TAKPEKPEA VALAWO

ANYINƆƑEGBƆKPƆLAWO Wode dɔ asi na anyinɔƒegbɔkpɔlawo be woakpe ɖe ŋuwò. Míeɖe kuku, kpe asi ɖe wo ŋu bliboe, eye nàwɔ ɖe woƒe mɔfiafia dzi le ʋutɔtɔɖi, afi si woɖe mɔ be amewo nato, nɔƒeléleɖi, kple bubuawo me.

ANYINƆNƆ Míeɖe kuku, mibu ame bubuwo ŋu. Ðo ŋku edzi be wò ƒometɔ kplikplikpliwo, mia kple ame siwo ɖo ʋu ɖeka va alo le aƒe ɖeka me, alo wò Biblia nusrɔ̃viwo koe nàte ŋu alé nɔƒe ɖi na. Míeɖe kuku, migada nuwo ɖe zikpuiawo dzi ne menye ame aɖekee mielé teƒea ɖi na o.

ATIKEWƆƑE Miɖo ŋku edzi be DƆDZEAMEDZI KPATAWO KO ƒe atikee wowɔna le afi sia.

LƆLƆ̃NU FAA DƆWƆWƆ Ne èdi be yeatsɔ ye ɖokui ana akpe asi ɖe takpekpea me dɔwo ŋu la, ekema míeɖe kuku, yi Nyatakakawo Kple Lɔlɔ̃nu Faa Dɔwɔwɔ Dzikpɔƒea.

NU BÚBUWO DAÐOƑE KPLE WO DIƑE Mitsɔ nu sia nu si miefɔ la yi Nu Búbuwo Daɖoƒe Kple Wo Diƒe Dɔwɔƒea. Ne wò nane bú la, yi ɖadii le dɔwɔƒe sia. Ele be woakplɔ ɖevi siwo bú le wo dzilawo gbɔ la ayi dɔwɔƒe siae. Gake mele be woabui be enye ɖeviwo dzikpɔƒe o. Míeɖe kuku, milé ŋku ɖe mia viwo ŋu, eye miana woanɔ mia gbɔ.

NUDZƆDZƆ Wozã ga geɖe ɖe zikpuiwo, nuƒomɔ̃wo, videoɖemɔ̃wo, kple nu bubu geɖe siwo ana míase vivi na takpekpea eye wòakpe ɖe mía ŋu mía kple Yehowa dome ƒomedodoa me nasẽ ɖe edzi la ŋu. Miaƒe lɔlɔ̃nu faa nudzɔdzɔwoe wotsɔna xea fe siawoe, eye wotsɔnɛ kpea asi ɖe xexea me katã ƒe dɔa hã ŋu. Woda nudzɔɖaka siwo dzi woŋlɔ nu ɖo wòdze nyuie la ɖe teƒe vovovowo. Míekpɔa ŋudzedze ɖe nudzɔdzɔ ɖe sia ɖe ŋu vevie. Dɔdzikpɔhaa le akpe dam na mi ɖe ale si miekpea asi ɖe Fiaɖuƒea ƒe dɔwo ŋu dɔmenyotɔe ta.

NYƆNYRƆXƆXƆ Zikpui siwo woɖo ɖi na ame siwo le nyɔnyrɔ xɔ ge la anɔ nuƒolanɔƒea ŋgɔ. Ne tɔtrɔ aɖe va le esia ŋu la, woaɖe gbeƒãe do ŋgɔ. Ame siwo le nyɔnyrɔ xɔ ge la nanɔ anyi ɖe afi si wodzra ɖo ɖi na wo hafi nyɔnyrɔxɔxɔnuƒoa nadze egɔme Memleɖa ŋdi. Ame sia ame netsɔ papahũ kple tsimeyiwu si sɔ ɖe asi.

Si Ƒe Ðoɖo Yehowa Ðasefowo Ƒe Dɔdzikpɔhaa Wɔ