Dzo kpo yi emenuwo dzi

Dzo kpo yi emenu bubu dzi

Yehowa Ɖasefowo

Eʋegbe

Nu Kae Ana Dzidzɔ Nanɔ Ƒomea Me?

Nu Kae Ana Dzidzɔ Nanɔ Ƒomea Me?

Ðe nàgblɔ be . . .

  • lɔlɔ̃ yea?

  • ga yea?

  • nu bubu aɖe yea?

 NYA SI BIBLIA GBLƆ

“Dzidzɔtɔwoe nye ame siwo le Mawu ƒe nya la sem, eye wole edzi wɔm!”—Luka 11:28, Xexe Yeye Gɔmeɖeɖe.

VI KAE ESIA AÐE NA WÒ?

Ana lɔlɔ̃ vavã nanɔ ƒomea me.Efesotɔwo 5:28, 29.

Miade bubu deto mia nɔewo ŋu.Efesotɔwo 5:33.

Miaka ɖe mia nɔewo dzi bliboe.Marko 10:6-9.

 ÐE MÍATE ŊU AKA ÐE NYA SI BIBLIA GBLƆ DZIA?

Ɛ̃, míate ŋu aka ɖe edzi, le susu eve ta:

  • Mawue ɖo ƒomegbenɔnɔ anyi. Biblia gblɔ be Yehowa Mawu gbɔe “wòtso be ŋkɔ le ƒome sia ƒome si.” (Efesotɔwo 3:14, 15) Esia fia be Yehowae ɖo ƒomegbenɔnɔ anyi. Nu ka tae nya sia le vevie?

    Bu eŋu kpɔ: Ne èle nuɖuɖu vivi aɖe ɖum eye nèdi be yeanya nu vovovo siwo wotsɔ ɖae la, ame kae nàbia? Nyuitɔae nye be nàbia ame si ɖa nua.

    Nenema kee ne míedi be míanya nu siwo ana dzidzɔ nanɔ ƒomea me la, anyo be míatrɔ ɖe Yehowa ŋu, elabena eyae ɖo ƒomegbenɔnɔ anyi.1 Mose 2:18-24.

  • Mawu tsɔ ɖe le eme na wò. Nunya le eme be ƒomea me tɔ ɖe sia ɖe nawɔ ɖe aɖaŋu nyui siwo Yehowa ɖo le eƒe Nya Biblia me la dzi. Nu ka tae? ‘Elabena etsɔa ɖe le eme na mí.’ (1 Petro 5:6, 7) Yehowa di be nàkpɔ dzidzɔ, eye eƒe aɖaŋuɖoɖowo dzi wɔwɔ aɖe vi na wò ɣesiaɣi.Lododowo 3:5, 6; Yesaya 48:17, 18.

 BU NYA SIA ŊU KPƆ

Aleke nàwɔ anye srɔ̃ŋutsu nyui, srɔ̃nyɔnu nyui, alo dzila nyui?

Biblia ɖo nya sia ŋu le EFESOTƆWO 5:1, 2 kple KOLOSETƆWO 3:18-21.