Dzo kpo yi emenuwo dzi

Dzo kpo yi emenuawo dzi

Biblia Me Biabiawo Ƒe Ŋuɖoɖowo

Biblia Me Biabiawo Ƒe Ŋuɖoɖowo

Ame kawoe ayi dziƒo, eye nu ka tae?

Ame miliɔn geɖe ƒe didie nye be ne yewoku la, yewoayi aɖanɔ agbe le dziƒo. Yesu gblɔ be yeƒe apostolo wɔnuteƒewo anɔ agbe le dziƒo. Hafi Yesu naku la, edo ŋugbe be yeayi aɖadzra teƒe ɖo ɖi na wo le ye Fofo si le dziƒo la gbɔ.Xlẽ Yohanes 14:2.

Nu ka tae woafɔ amewo tso anyigba dzi be woaɖanɔ agbe le dziƒo? Nu kae woava wɔ le afi ma? Yesu gblɔ na eƒe apostoloawo be woava nye fiawo. Woaɖu fia ɖe anyigba la dzi.Xlẽ Luka 22:28-30; Nyaɖeɖefia 5:10.

Ame nyuiwo katãe ayi dziƒoa?

Le dukɔ geɖe me la, ame ʋɛ aɖewo koe nyea dziɖulawo. Esi wònye be Yesu afɔ ame aɖewo be woava nɔ agbe le dziƒo eye woaɖu fia ɖe anyigba la dzi ta la, míakpɔ mɔ be ame tiatia mawo anɔ ʋɛ. (Luka 12:32) Biblia yɔ ame xexlẽme si tututu aɖu fia kple Yesu.Xlẽ Nyaɖeɖefia 14:1.

Yesu dzra teƒe ɖo ɖi na eyomedzela aɖewo le dziƒo. Ènya nu si woava wɔ le afi ma?

Menye dziƒoyilawo koe axɔ teƒeɖoɖo o. Yesu ƒe Fiaɖuƒea tevi wɔnuteƒewo anɔ agbe tegbee le paradiso si woagbugbɔ aɖo anyi le anyigba dzi la me. (Yohanes 3:16) Ame aɖewo atsi agbe le nuɖoanyi vɔ̃ɖi sia ƒe nuwuwu ayi ɖe Paradisoa me. Eye woafɔ ame bubuwo hã tso ku me be woanɔ agbe le Paradisoa me.Xlẽ Psalmo 37:29; Yohanes 5:28, 29.