Dzo kpo yi emenuwo dzi

Dzo kpo yi emenuawo dzi

 NU SI BIBLIA GBLƆ

Mesia La

Mesia La

Biblia gblɔe ɖi be Mesia la ava xexea me ahaɖe amewo tso dɔléle, fukpekpe kple ku si me. Yesu Kristoe nye Mesia la?

Aleke amewo awɔ anya ame si nye Mesia la?

Le Biblia me nyagblɔɖiwo nu la, dɔ siwo Mesia alo Kristo awɔ la ama ɖe akpa eve me, eye ƒe geɖe atso akpa eveawo dome. * Le dɔ siwo wòawɔ ƒe akpa gbãtɔ gome la, anye amegbetɔ. Biblia-ŋlɔlawo gblɔ Mesia la ƒe agbenɔnɔ kple eƒe subɔsubɔdɔa ƒe akpa geɖewo ɖi ale be amewo nate ŋu akpɔ eya amea adze sii bɔbɔe. Le nyateƒe me la, “ɖaseɖiɖi tso Yesu ŋu” koŋ ŋue Biblia me nyagblɔɖiwo ku ɖo.Nyaɖeɖefia 19:10.

Esi Yesu nye amegbetɔ la, ewɔ nukunu siwo wòava wɔ le xexea me godoo ne ezu gbɔgbɔmenuwɔwɔ triakɔ la ƒe akpa sue aɖe

NYA SI BIBLIA GBLƆ

Mesia la  . . .

Nyagblɔɖi siawo kple bubu geɖewo va eme ɖe Yesu dzi. Eda dɔ na dɔnɔwo hefɔ ame kukuwo hã. To esia wɔwɔ me la, ena míekpɔe dze sii kɔtɛe be eyae nye Mesia la, eye wògana míekpɔ kpeɖodzi sẽŋuwo be nu siwo ŋugbe wodo le Biblia me be ava wɔ le xexea me godoo la ava eme godoo le etsɔme. (Luka 7:21-23; Nyaɖeɖefia 21:3, 4) Esi wofɔ Yesu ɖe tsitre megbe la, eyi ɖanɔ Mawu ƒe “nuɖusi me” hele lalam be yeawu yeƒe dɔ nu abe Mesia ene.Psalmo 110:1-6.

“Ne Kristo la va la, mawɔ dzesi siwo lolo wu esiwo wɔm ŋutsu sia le o ɖe, miekpɔe nenema oa?”Yohanes 7:31.

 Aleke Mesia la awu eƒe dɔa nui?

Yudatɔ siwo nɔ anyi le Yesu ƒe ŋkekea me nɔ mɔ kpɔm be Mesia la ava ɖe yewo tso Romatɔwo te eye wòagbugbɔ Israel ƒe fiaɖuƒea aɖo anyi ahazu eƒe fia. (Dɔwɔwɔwo 1:6) Emegbe hafi Yesu yomedzela siwo nye Yudatɔwo va se egɔme be dziƒoe Yesu anɔ hafi awu dɔ si wòawɔ abe Mesia ene la nu, anye gbɔgbɔmenuwɔwɔ triakɔ si wona ŋusẽ geɖee.Mateo 28:18.

NYA SI BIBLIA GBLƆ

Le dɔ siwo Mesia awɔ la ƒe akpa evelia gome la . . .

Yesu wu dɔ siwo wòle be wòawɔ abe Mesia ene la ƒe akpa gbãtɔ nu. Awu akpa evelia hã nu godoo. Eya ta ame siwo dze aɖaŋu la srɔ̃a nu tso Yesu ŋu nyuie, elabe eya ŋutɔ gblɔ be: “Nyee nye mɔ la kple nyateƒe la kpakple agbe la.”Yohanes 14:6.

“Ekema ame dzɔdzɔe la amie le eƒe ŋkekewo me, eye ŋutifafa axɔ aƒe, vaseɖe esime dzinu maganɔ anyi o. Aɖu fia . . . ɖase ɖe anyigba ƒe mlɔenuwo ke.Psalmo 72:7, 8.

^ mm. 5 “Mesia” nye Hebrigbe me nya. Eye eƒe Helagbe me tɔe nye “Kristo.”Yohanes 1:41.

^ mm. 7 Mawunyakpukpui siwo le akpa gbãtɔa nye nyagblɔɖiwo, eye esiwo le akpa evelia ku ɖe ale si nyagblɔɖiawo va emee ŋu.