Dzo kpo yi emenuwo dzi

Dzo kpo yi emenuawo dzi

Ƒe Siwo Me Wokpɔa Dzidzɔ Le Wu Yea?

Ƒe Siwo Me Wokpɔa Dzidzɔ Le Wu Yea?

 Ƒe Siwo Me Wokpɔa Dzidzɔ Le Wu Yea?

ŊDI ga ade kple afã ƒo le Soweto, South Africa, eye vuvɔ le wɔwɔm ale gbegbe. Ele be Evelyn nafɔ. * Esi wònye dzoxɔxɔnamɔ̃ mele eƒeme o ta la, mele ekpam kura o.

Evelyn te ɖɔɖɔɖɔ va abatia to heɖiɖi eƒe klo siwo le eɖum la blewu. Enɔ anyi ɖe abatia to sẽ. Vevea nu va ɖiɖi vie. Edo ŋusẽ eɖokui hetso. Ele ŋeŋem. Eɖo asi ali hete ɖɔɖɔɖɔ abe alesi “ʋetsuviwo tea toxlolo” ene, yi tsileƒe.—Nyagblɔla 12:5. *

Evelyn gblɔ be: ‘Medze agbagba ŋutɔ!’ Menye ŋu bubu koe ke ɖee o, ke boŋ ete ŋu tso ɖe eƒe klo siwo le evem hã dzi.

Gake nu bubu hã ganɔ susu me nɛ. Evelyn gblɔ be: “Ekpɔtɔ vie ko nye susu maganɔ nu lém o.” Ɣeaɖewoɣi la, meganyana afisi wòda eƒe safuiwo ɖo o gake eƒe susu kpɔtɔ le te. Evelyn gblɔ be: “Gbe ko medona ɖa be magava nɔ nu ŋlɔm be keŋkeŋ abe alesi wòdzɔna ɖe ame tsitsi aɖewo dzi ene o.”

Le Evelyn ƒe ɖetugbi me la, mebu eŋu kpɔ be aleae nyagãkuku nɔna o. Esi wònye ame mesẽna tsina o ta la, ɖeko ƒeawo va yi kabakaba, eye alesi wòsea vevee la ɖoa ŋku edzi nɛ ɣesiaɣi be exɔ ƒe 74.

Ame tsitsi siwo mesea veve abe Evelyn ene o, eye dɔléle kple dzimaɖitsitsi meɖea fu na wo boo o, la ate ŋu abu woƒe amegãkuɣi be enye ƒe siwo me yewokpɔa dzidzɔ le wu. Amesiawo ate ŋu ‘aku amegã ɖeɖi, woatsi ŋutɔ eye woƒe dzi nadze eme,’ abe alesi blemafofo Abraham tsii ene. (Mose I, 25:8) Ame bubuwo toa “ŋkeke kple ƒe vɔ̃wo” me eye nya si woagblɔ koe nye be: “Agbe mele nunye vivim o.” (Nyagblɔla 12:1, Today’s English Version) Le numekuku aɖe si wowɔ me la, ame geɖe bu dzudzɔxɔxɔledɔme be enye nuxaɣi ale gbegbe be Newsweek magazine doe ɖa be woagagblɔ tso tsitsi me ƒeawo ŋu be wonye dzidzɔɣi o, ke boŋ nuxaɣiwo.

Nukae nèsusuna tso amegãkuku ŋu? Kuxi siwo ame tsitsiwo doa goe la dometɔ aɖewo ɖe? Ðe wòfia godoo be ne ame ku amegã ko la, eƒe susu magaɖa oa? Nukae ame tsitsiwo ate ŋu awɔ be woƒe dzi nadze eme?—g2/06.

[Etenuŋɔŋlɔwo]

^ mm. 2 Míetrɔ ŋkɔ aɖewo le nyati sia kple eve siwo kplɔe ɖo me.

^ mm. 3 Wolɔ̃ ɖe edzi be tsitsi me kuxiwo ŋue Biblia-gbalẽ si nye Nyagblɔla ƒe akpa sia si woŋlɔ abe hakpanya ene le blema la ku ɖo.