Dzo kpo yi emenuwo dzi

Dzo kpo yi emenuawo dzi

Gomabolo Braziltɔwo ƒe Nuɖuɖu Vevi Aɖee

Gomabolo Braziltɔwo ƒe Nuɖuɖu Vevi Aɖee

 Gomabolo Braziltɔwo ƒe Nuɖuɖu Vevi Aɖee

Etso Nyɔ! ŋlɔla si le Brazil gbɔ

LE Brazil la, woyɔna nuɖuɖu vovovo siwo wokpɔna tsoa agbeli me be tapioka. Goma si wokpɔna tsoa agbeli mee wotsɔ wɔa wo dometɔ ɖeka aɖe si le gbadzɛ, si woyɔna be gomabolo gbadzɛ. Zi geɖe la, gomabolo gbadzɛ sia ɖina tsimebolo.

Ne wolili agbeli la, wofiana tsia le eme. Wodanɛ ɖi wòblana ɖe ete. Wotsyɔa tsia le edzi ƒua gbe eye wosiana goma si wokpɔ tso eme ɖe ŋdɔgbe.

Gomabolo nye nuɖuɖu vevi aɖe na Brazil vidzidzi siwo nɔ afima tso blema ke. Emegbe Portugaltɔ siwo ʋu va tsi afima zãa gomabolo ɖe yevubolo teƒe. Gake nyitsɔ laa koe Braziltɔwo ƒe nuɖala bibiwo va le asi trɔm le tapioka ŋu be wòazu nuɖuɖu si ŋu amewo ado vivi ɖo le nuɖuɖudzraƒe gãwo.

Esi nuɖala bibiawo di be wòalé aɖe na ame aɖewo koŋ ta la, wogbugbɔ trɔ asi le nuɖuɖu sia si ŋu amewo doa vivi ɖo tsã ŋu le mɔ vovovowo nu. Egbea Braziltɔwo kpɔ dzidzedze le gomabolo ɖaɖa me ŋutɔ. Nuɖuɖudzraƒe geɖe va xɔ ŋkɔ ɖe gomabolo ƒomevi aɖewo koŋ ɖaɖa ta.

Nukata wò ŋutɔ màte gomabolo wɔwɔ kpɔ o? Ado dzidzɔ na wò ƒomea me tɔwo kple xɔ̃wòwo eye wòana woagaɖɔ nu yeye aɖe akpɔ.—g05 8/22.

[Nɔnɔmetata si le axa 30]

Gomabolo Wɔwɔ

Nusiwo hiã na abolo enyi wɔwɔ:

Goma kplu 3, tsi kplu 11⁄2, kple dze vi aɖe.

Mɔfiamewo: Kɔ goma la ɖe agba me, nàwu dze kple tsi edzi eye nànyae kple asi. Nɔ tsi wum edzi vivivi eye nànɔ elilim le wò asiwò me vaseɖe esime wòmli suesue eye woate ŋu aƒoe. Emegbe nàsrae le agbadzɛ dzi. Esɔ gbe azɔ na gomabolo wɔwɔ.

Ðo nutɔgba dzo dzi wòave vie ko. Kɔ goma si nèsra la ƒe ɖe ɖe agbaa me, eye nàtsɔ gatsi akakae wòawɔ gbadzɛ. Na wòanɔ dzoa dzi miniti eve vaseɖe ene, alo vaseɖe esime wòbi heɖe le agbaa ŋu. Trɔe kple ti gbabɛ be akpa kemɛ hã nanɔ dzoa dzi miniti ɖeka. Ða mamlɛa alea. Fɔ gomaboloa ɖo wo nɔewo dzi le agba me.

Àte ŋu agatrɔ asi le gomaboloa ƒe vivi ŋu ne èkɔ nu vovovowo ɖe edzi. Be wòanye ŋdinuɖuɖu la, àte ŋu atiti bɔta ɖe abolo dzodzoea dzi, eye nàlili yevune ƒuƒui ahakɔ gatsi eve ɖe edzi. Alo àte ŋu akɔ condensed milk (lait concentré) ɖe edzi, akɔ yevune si nèlili hã ɖe edzi, ke esɔ gbe azɔ na ɖuɖu.

[Nɔnɔmetata si le axa 30]

Agbeli

[Nɔnɔmetata si le axa 30]

Gomabolo si dzi wokɔ yevune kple “condensed milk” ɖo