Dzo kpo yi emenuwo dzi

Dzo kpo yi emenuawo dzi

Amegbetɔ Le Nu Gblẽm le Dzɔdzɔme Ŋu

Amegbetɔ Le Nu Gblẽm le Dzɔdzɔme Ŋu

 Amegbetɔ Le Nu Gblẽm le Dzɔdzɔme Ŋu

“Egbea la amegbetɔwoe woabu fɔe le nu gbagbewo tsɔtsrɔ̃ si le dzidzim ɖe edzi kabakaba la ta.”—Jane Goodall, Nutakpɔla.

NU GBAGBEWO le dɔ dzi ɣesiaɣi le anyigba dzi eye wohiã na wo nɔewo. Mí amegbetɔwo míenye eƒe akpa vevi aɖe. Míenɔa agbe ɖe nu gbagbe siwo le xexea me dzi hena míaƒe nuɖuɖu kple atike, ya si míegbɔna, kple nu vevi siwo tua míaƒe ŋutilãwo ɖo. Le ŋkeke ɖeka me la, amegbetɔ siwo le anyigba dzi wɔa nu gbagbe bubu ƒomevi siwo wu 40,000 ŋudɔ. Anyigba dzi nu gbagbe vovovoawo do ka kple wo nɔewo le mɔ vovovo wɔnukuwo nu le agbe me.

Ke hã numekula geɖe siwo le nu me kum tso nu gbagbe vovovo siawo ŋu kpɔe be woɖo afɔku me! Ðewohĩ èse nane tso gbenyi, kpɔ̃, sisiblisi ƒomevi aɖewo, kple boso siwo le tsɔtsrɔ̃m la ŋu. Dzɔdzɔmeŋutinunyala aɖewo gblɔ be ati kple lã ƒomeviwo ƒe alafa memama 50 ate ŋu atsrɔ̃ le anyigba dzi le ƒe 75 me. Numekula aɖewo vɔ̃ be nu gbagbe ƒomevi aɖewo nu ayi kabakaba zi gbɔ zi 10,000 wu agbɔsɔsɔme si dzɔdzɔmeŋutinunyalawo bu be ye kuna le wo ɖokui si. Numekula aɖe bu akɔnta be nu gbagbe ƒomevi ɖeka kuna le aɖabaƒoƒo 10 va ɖo 20 ɖesiaɖe me le mama dedie nu.

Dzɔdzɔmeŋutinunyalawo xɔe se be le blema la, dzɔdzɔmefɔkuwo koŋ gbɔe wòtsona nu gbagbewo tsrɔ̃na. Gake wogblɔ be nusi koŋ gbɔ wòtsona fifia ya to vovo. Edze ƒã be wo tsɔtsrɔ̃ egbea tso amegbetɔwo ƒe nuwɔna gbɔ. Dzɔdzɔmeŋutinunyala aɖe yɔ amegbetɔwo be “nu gbagbe ƒomeviwo tsrɔ̃la.”

Ðe amegbetɔwo ƒe nuwɔnawo na be nu gbagbe ƒomeviwo le vɔvɔm alea gbegbea? Ne nenemae la, to mɔ ka nu? Ðe agbe anya nɔ nu gbagbe amadede vovovo siwo le anyigba dzi manɔmeea? Ðe wole nane wɔm tso tetɔtɔ nusi ame aɖewo susu be enye nu gbagbewo tsɔtsrɔ̃ le xexeame la ŋua?

[Nɔnɔmetata Tsoƒe si le axa 19]

WHO

NOAA