Zefaniya 1:1-18

  • Yehowa ƒe ʋɔnudrɔ̃ŋkeke gã la tu aƒe (1-18)

    • Yehowa ƒe ŋkeke la le du dzi sesĩe (14)

    • Klosalo kple sika mate ŋu aɖe ame o (18)

1  Esiae nye Yehowa ƒe gbe si va na Zefaniya,* si nye Kusi vi, Gedaliya vi, Amariya vi, Hizkiya vi, le Yuda-fia Yosiya,+ Amon+ vi, ŋɔli:   Yehowa be, “Matsrɔ̃ nu sia nu ɖa le anyigba la dzi keŋkeŋ.+   Matsrɔ̃ amewo kple lãwo siaa. Matsrɔ̃ dziƒoxe dzodzoewo kple ƒumelãwo,+Maɖe nuɖianuwo*+ ɖa eye matsrɔ̃ ame vɔ̃ɖiwo;Maɖe amegbetɔwo ɖa le anyigba la dzi,” Yehowa ye gblɔe.   “Mado nye asi ɖa ɖe YudaKple Yerusalem nɔlawo katã ŋu,Eye maɖe nu siwo susɔ na Baal la dometɔ ɖe sia ɖe ɖa,+Matutu dutamawuwo ƒe nunɔlawo ŋkɔ ɖa, eye matsrɔ̃ alakpanunɔlawo le teƒe sia;+   Matsrɔ̃ ame siwo dea ta agu na dziƒonuwo* le xɔwo tame,+Kple ame siwo dea ta agu hekaa atam na Yehowa,+Gake wogakaa atam na Malkam hã;+   Matsrɔ̃ ame siwo trɔ le Yehowa yome,+Kple ame siwo medi Yehowa yome mɔ alo bia eta se o.”+   Mizi ɖoɖoe le Aƒetɔ Dziɖulagã Yehowa ŋkume, elabena Yehowa ƒe ŋkeke la tu aƒe.+ Yehowa dzra vɔsa ɖo, eye wòkɔ ame siwo wòkpe la ŋu.   “Ava eme le Yehowa ƒe vɔsagbe la be, matso ɖe amegãwo,Fiaviwo+ kple ame siwo katã doa dutatɔwo ƒe awu la ŋu.   Gbe ma gbe la, matso ɖe ame siwo katã liana yia kpui* la dzi,Ame siwo tsɔa ŋutasesẽ kple amebeble yɔa woƒe aƒetɔwo ƒe xɔwo taŋ la ŋu. 10  Gbe ma gbe ɣli aɖi tso Tɔmelãgbo+ la nu,Asiƒunu aɖi tso du la ƒe Akpa Evelia,+Eye woase hoowɔwɔ gã aɖe tso togbɛwo dzi,”Yehowa ye gblɔe. 11  “Mi Maktes* nɔlawo, mifa avi sesĩe,Elabena wotsrɔ̃ asitsalawo katã;*Woɖe klosalodalawo katã ɖa. 12  Ɣemaɣi la, matsɔ akaɖi atsa le Yerusalem tsitotsito,Eye mabia akɔnta ame siwo ɖe dzi ɖi bɔkɔɔ* hele gbɔgblɔm le woƒe dzi me be,‘Yehowa mele nyui alo vɔ̃ wɔ ge o.’+ 13  Woaha woƒe kesinɔnuwo, eye woƒe aƒewo azu aƒedo.+ Woatu xɔ, ke womanɔ wo me o;Woade waingble, ke womano wo me wain o.+ 14  Yehowa ƒe ŋkeke gã la tu aƒe!+ Etu aƒe, eye wòle du dzi sesĩe gbɔna!+ Yehowa ƒe ŋkeke si ŋkɔ le ɖiɖim la dzi ŋɔ ŋutɔ.+ Gbe ma gbe la, kalẽtɔ la afa avi hehehe.+ 15  Dɔmedzoedogbee,+Xaxagbe kple veve helĩhelĩ segbee,+Ahomtugbe kple aƒedoɖigbee,Viviti kple tsizidogbee,+Alilikpo kple blukɔ tsiɖitsiɖi dogbee,+ 16  Lãdzokugbe kple aʋaɣlidogbee+Wòanye ava du sesẽwo kple gbetakpɔxɔ siwo le dzogoewo dzi la dzi.+ 17  Mahe xaxa ava amegbetɔwo dzi,Eye woanɔ yiyim abe ŋkunɔwo ene,+Elabena Yehowa ŋue wowɔ nu vɔ̃ ɖo.+ Woakɔ woƒe ʋu ɖe anyi abe ke ene,Eye woatsɔ woƒe ŋutilã aƒu gbe* abe mĩ ene.+ 18  Woƒe klosalo kple sika mate ŋu aɖe wo le Yehowa ƒe dɔmedzoedogbe la o;+Eƒe ŋuʋaʋã ƒe dzo afiã anyigba blibo la katã,+Elabena atsrɔ̃ anyigbadzinɔlawo katã eteƒe makɔ o.”+

Etenuŋɔŋlɔ

Egɔmee nye, “Yehowa Ɣlae (De Asixɔxɔ Eŋu).”
Edze ƒãa be enye nu alo nuwɔna siwo do ƒome kple trɔ̃subɔsubɔ.
Alo, “dziƒoʋakɔwo.”
Agate ŋu afia, “yia fia la ƒe fiazikpui ƒe kpui.”
Edze ƒãa be enye Yerusalem-dua ƒe akpa si te ɖe Tɔmelãgbo la ŋu.
Egɔmeɖeɖe tẽe, “wona ɖoɖoe zi le asitsalawo nu.”
Egɔmeɖeɖe tẽe, “ame siwo ɖo ƒã ɖi” abe wain le nugo me ene.
Egɔmeɖeɖe tẽe, “woƒe dɔkaviwo adudu.”