Zakariya 9:1-17
9 Gbedeasi vevi aɖe:
“Yehowa ƒe nya va ɖe Hadrak-nyigba ŋu,Ðe Damasko koŋ ŋu,*+Elabena Yehowa ƒe ŋku le amegbetɔwo+Kple Israel ƒe toawo katã ŋu.
2 Ava Hamat+ si do liƒo kplii,Kple Tiro+ kpakple Sidon+ hã dzi, elabena wodze aɖaŋu ŋutɔ.+
3 Tiro ɖo gli sesẽwo na eɖokui.
Eli kɔ klosalo gleglegle abe ke eneKple sika abe ba le kpɔdomee ene.+
4 Kpɔ ɖa! Yehowa axɔ eƒe nunɔamesiwo le esi,Eye wòatsrɔ̃ eƒe aʋakɔ la le atsiaƒu me;*+Eye dzo afiãe.+
5 Askelon akpɔe, eye vɔvɔ̃ aɖoe;Ŋɔdzi alé Gaza hã vevie,Eye aleae wòanɔ na Ekron hã, elabena eƒe ŋuɖoɖeŋua azu ŋukpe nɛ.
Fia atsrɔ̃ le Gaza,Eye ame maganɔ Askelon o.+
6 Ame tutɔ anɔ Asdod,Eye matsi Filistitɔwo ƒe dàda nu.+
7 Maɖe ʋu ɖa le nu me nɛKple ŋunyɔnuwo ɖa le aɖutɛ me nɛ,Eye ame si asusɔ nɛ la azu mía Mawu tɔ;Anɔ abe amegã* ene le Yuda,+Eye Ekron anɔ abe Yebusitɔ+ la ene.
8 Maƒu asaɖa anyi abe dzɔla ene ɖe nye aƒe ŋu,+Ale be ame aɖeke manɔ yiyim anɔ gbɔgbɔm o;Eye amedzizila* aɖeke magato eme ayi azɔ o,+Elabena nye ŋutɔ mekpɔe* kple nye ŋkuwo azɔ.
9 Oo Zion vinyɔnu, kpɔ dzidzɔ vevie.
Oo Yerusalem vinyɔnu, tso aseye.
Kpɔ ɖa! Wò fia gbɔna gbɔwò.+
Dzɔdzɔetɔ wònye, eye wòhe ɖeɖekpɔkpɔ gbɔnɛ;*Ebɔbɔa eɖokui,+ eye wòdo tedzi,*Si nye tedzinɔ ƒe vi.+
10 Maɖe aʋatasiaɖamwo ɖa le Efrayim,Kple sɔwo ɖa le Yerusalem.
Woaɖe aʋawɔdati ɖa.
Agblɔ ŋutifafanya na dukɔwo;+Eƒe dziɖuɖu atso atsiaƒu nu ayi atsiaƒu nu,Tso Tɔsisi* la nu va se ɖe anyigba ƒe mlɔenuwo ke.+
11 Oo nyɔnu, mato wò nubabla ƒe ʋu la dziAɖe asi le wò gamenɔlawo ŋu tso vudo ƒuƒlu la me.+
12 Mi, gamenɔla siwo si mɔkpɔkpɔ le, mitrɔ gbɔ va mɔ́ sesẽ la me.+
“Azɔ hã, mele egblɔm na wò egbea be:‘Oo, nyɔnu, maɖo eteƒe na wò zi gbɔ zi eve.+
13 Elabena mahe Yuda me abe nye dati ene.
Matsɔ Efrayim* ade dati la me,Eye manyɔ viwòwo, Oo Zion,Ðe viwòwo ŋu, Oo Hela,Eye mana nànɔ abe kalẽtɔ ƒe yi ene, Oo Zion.’
14 Woakpɔ Yehowa le wo tame,Eye eƒe aŋutrɔwo anɔ ʋɔ lũm abe dzikedzo ene.
Aƒetɔ Dziɖulagã Yehowa aku kpẽ,+Eye wòanɔ dziehe ƒe ahom me aho.
15 Aʋakɔwo ƒe Yehowa aʋli wo ta,Eye woami futɔwo ƒe akafokpewo eye woanya avuzi le edzi.+
Woano nu agli abe wain ye wono ene;Eye woayɔ banaa abe agba goboeKple vɔsamlekpui ƒe dzogoewo ene.+
16 Yehowa woƒe Mawu axɔ na eƒe dukɔ la gbe ma gbeAbe eƒe lãha ene;+Elabena woanɔ dzo dam le eƒe anyigba dzi abe kpe xɔasiwo le fiakuku ŋu ene.+
17 Elabena aleke eƒe nyuiwɔwɔ keke tae,+Eye eƒe nyonyo teƒe mekɔ o ale!
Nuɖuɖu ana ɖekakpuiwo natsi nyuie,Eye wain yeye ana ɖetugbuiwo natsi nyuie.”+
Etenuŋɔŋlɔ
^ Egɔmeɖeɖe tẽe, “Damasko ye wòadzudzɔ le.”
^ Agate ŋu afia, “le atsiaƒu dzi.”
^ Amegã nye to ƒe fia.
^ Edze ƒãa be eƒe dukɔ ƒe fukpekpewoe wòwɔnɛ.
^ Alo, “ameteɖeanyila.”
^ Alo, “eye wòɖu dzi.”
^ Alo, “tedzitsu.”
^ Efia, Frat-tɔsisi.
^ Efia be ele abe aŋutrɔ ene.
