Zakariya 3:1-10

  • Ŋutega 4: Woɖɔli nunɔlagã la ƒe awuwo (1-10)

    • Satana tsi tsitre ɖe nunɔlagã Yosua ŋu (1)

    • ‘Makplɔ nye subɔla si ŋkɔe nye Dzedze vɛ!’ (8)

3  Eye wòna mekpɔ nunɔlagã Yosua+ le tsitre ɖe Yehowa ƒe dɔla la ŋkume, eye Satana+ tɔ ɖe eƒe ɖusime be yeatsi tsitre ɖe eŋu.  Eye Yehowa ƒe dɔla la gblɔ na Satana be: “Yehowa neka mo na wò, Oo Satana,+ Yehowa, ame si tia Yerusalem+ la, neka mo na wò! Ðe menye dzoti bibi wònye woɖe tso dzo me oa?”  Ke Yosua le awu ƒoɖiwo me tɔ ɖe mawudɔla la ŋkume.  Eye mawudɔlaa gblɔ na ame siwo tɔ ɖe eŋkume la be, “Miɖe awu ƒoɖiawo le eŋu.” Eye wògblɔ nɛ be, “Kpɔ ɖa, meɖe wò vodada* ɖa le ŋuwò, eye woado awu nyuiwo* na wò.”+  Eya ta megblɔ be: “Mitsɔ tablanu dzadzɛ bla ta nɛ.”+ Eye wotsɔ tablanu dzadzɛ bla ta nɛ, eye wodo awuwo nɛ; ke Yehowa ƒe dɔla la tɔ ɖe afi si gogo afi ma.  Eye Yehowa ƒe dɔla gblɔ na Yosua be:  “Ale aʋakɔwo ƒe Yehowa gblɔe nye esi: ‘Ne èzɔ le nye mɔwo dzi eye nèwɔ dɔ si mede asi na wò la, ekema ànye ʋɔnudrɔ̃la le nye aƒe me+ ahakpɔ nye xɔxɔnuawo dzi;* eye maɖe mɔ na wò nànɔ ame siawo, siwo le tsitre ɖe afi sia la dome.’  “‘Oo Nunɔlagã Yosua, meɖe kuku, wò kple wò zɔhɛ siwo bɔbɔ nɔ ŋkuwòme la misee, elabena dzesie ŋutsu siawo nye; eye kpɔ ɖa, mekplɔ nye subɔla+ si ŋkɔe nye Dzedze+ gbɔnae!  Elabena kpɔ kpe si metsɔ ɖo Yosua ŋgɔ la ɖa! Ŋku adre le kpe la ŋu; maŋlɔ nu ɖe edzi, eye maɖe anyigba ma ƒe fɔɖiɖi ɖa le ŋkeke ɖeka dzi,’+ aʋakɔwo ƒe Yehowa ye gblɔe. 10  “‘Gbe ma gbe la, mia dometɔ ɖe sia ɖe anɔ eƒe wainka kple gboti te ayɔ nɔvia,’+ aʋakɔwo ƒe Yehowa ye gblɔe.”

Etenuŋɔŋlɔ

Alo, “fɔɖiɖi.”
Alo, “atsyɔ̃wuwo.”
Alo, “ahadzɔ nye nunɔamesiwo ŋu.”