Mika 4:1-13

  • Yehowa ƒe to akɔ ta agbɔ towo ŋu (1-5)

    • Woatsɔ woƒe yiwo atu agblenuwoe (3)

    • ‘Míazɔ le Yehowa ƒe ŋkɔ me’ (5)

  • Ŋusẽ agaɖo Zion si wogbugbɔ ɖo te la ŋu (6-13)

4  Le ŋkeke mamlɛawo me la,*Yehowa ƒe aƒe ƒe to la+Ali ke sesĩe ahakɔ ta agbɔ towo ŋu,Eye wòaƒo togbɛwo ta;Eye dukɔwo aƒo zi ɖe eŋu.+   Eye dukɔ geɖewo ava agblɔ be: “Miva míayi Yehowa ƒe to la dzi,Míayi Yakob ƒe Mawu ƒe aƒe la me.+ Afia eƒe mɔwo mí,Eye míazɔ eƒe toƒewo.” Elabena sedede* atso Zion,Eye Yehowa ƒe nya atso Yerusalem.   Atso afia na dukɔ geɖewo,+Eye wòatso nya me na dukɔ sesẽwo va se ɖe didiƒe ke. Woatsɔ woƒe yiwo atu agblenuwoe,Eye woatsɔ woƒe akplɔwo atu hɛ gobɛwoe.+ Dukɔ magatsɔ yi ɖe dukɔ ŋu azɔ o,Eye womagasrɔ̃ aʋawɔwɔ azɔ o.+   Wo dometɔ ɖe sia ɖe abɔbɔ nɔ eƒe wainka kple eƒe gboti te bɔkɔɔ,+Eye ame aɖeke mado voɖi na wo o,+Elabena aʋakɔwo ƒe Yehowa ƒe nue gblɔe.   Dukɔwo dometɔ ɖe sia ɖe azɔ le eƒe mawu ƒe ŋkɔ me,Ke míawo ya míazɔ le Yehowa mía Mawu ƒe ŋkɔ me+ ɖaa tegbee.   Yehowa be: “Gbe ma gbe la,Maƒo ame siwo le bu tɔm la nu ƒu,Eye maƒo ame siwo wonya de gbe,+Kple ame siwo mewɔ fui la nu ƒu.   Mana ame siwo le bu tɔm la nasusɔ,+Eye ame siwo wonya ɖo ɖe didiƒe la nazu dukɔ sesẽ;+Eye Yehowa aɖu fia ɖe wo dzi le Zion To la dzi,Tso fifia yi mavɔmavɔ me.   Ke wò la, Oo lãhawo ƒe gbetakpɔxɔ,Wò, Zion vinyɔnu ƒe togbɛ,+Dziɖuɖu gbãtɔ* atrɔ ava na wò,+Ɛ̃, Yerusalem vinyɔnu ƒe fiaɖuƒe la, atrɔ ava na wò.+   Azɔ nu ka ŋutie nèle aƒa dom ale? Ðe fia aɖeke mele mewò oa,Alo ɖe wò aɖaŋuɖola ku,Hafi nèle veve sem abe nyɔnu si le ku lém enea?+ 10  Oo Zion vinyɔnu, ƒo togotogoe nànɔ ŋeŋemAbe nyɔnu si le ku lém ene,Elabena àʋu le dua me aɖanɔ gbe me. Eye àyi Babilon ke,+Afi mae woaxɔ na wò le;+Afi mae Yehowa agbugbɔ wò aƒle tso wò futɔwo si me le.+ 11  Azɔ dukɔ geɖewo aƒo takpli ɖe ŋuwò;Eye woagblɔ be: ‘Migblẽ kɔ ɖo na Zion,Eye mina míaƒe ŋku nakpɔ nu si adzɔ ɖe Zion dzi.’ 12  Ke womenya Yehowa ƒe susuwo o,Womese eƒe tameɖoɖowo* gɔme o;Elabena aƒo wo nu ƒu abe ale si woƒoa nukubablawo nu ƒu ɖe nukuƒoƒe ene. 13  Oo Zion vinyɔnu, tso nàfanya nu;+Elabena mana wò dzo nazu gayibɔ,Eye mana wò afɔkliwo nazu akɔbli,Eye àgbã dukɔ geɖewo gudugudu;+ Àtsɔ viɖe ƒoɖi si dukɔwo kpɔ la aɖe adzɔgbe na Yehowa,Eye àtsɔ woƒe kesinɔnuwo ana anyigba blibo la ƒe Aƒetɔ la.”+

Etenuŋɔŋlɔ

Alo, “Le ŋkekeawo ƒe nuwuɣi la.”
Alo, “mɔfiame.”
Alo, “tsãtɔ.”
Alo, “adaŋudede.”