Mika 3:1-12

  • Nyahehe ɖe tatɔwo kple nyagblɔɖilawo ŋu (1-12)

    • Yehowa ƒe gbɔgbɔa ƒe ŋusẽ yɔ Mika me taŋ (8)

    • Nunɔlawo fiaa nu le fetu ta (11)

    • Yerusalem azu glikpo (12)

3  Megblɔ be: “Mi Yakob ƒe tatɔwo,Kple mi Israel ƒe aƒe ƒe kplɔlawo, meɖe kuku, misee.+ Menye miawoe wòle be mianya nu si le dzɔdzɔe oa?   Ke mieléa fu nyui,+ eye mielɔ̃a vɔ̃;+Mievuvua ayi le amewo ŋuti, eye miefloa lã le woƒe ƒuwo ŋu.+   Mieɖua nye dukɔ ƒe lã hã,+Mievuvua ayi le wo ŋuti,Miegbãa woƒe ƒuwo nyanyanya,+Abe nu si woɖa le ze* me ene, abe lãkɔ le nuɖaze me ene.   Ɣemaɣi la, woayɔ Yehowa be wòaxɔ na yewo,Gake matɔ na wo o. Aɣla mo ɖe wo ɣemaɣi+Le woƒe nuwɔna vɔ̃ɖiwo ta.+   Ale Yehowa gblɔ ɖe nyagblɔɖila siwo kplɔa nye dukɔ tranae,+Ame siwo ne woɖo aɖu nane dzi la,*+ woɖea gbeƒã ‘Ŋutifafa!’+Ke ne ame aɖe mede naneke nu me na wo o la, ekema wohoa aʋa ɖe eŋu lae nye esi:   ‘Zã gbɔna dodo ge na mi,+ ale be miagakpɔ ŋutega aɖeke o;+Viviti le dodo ge na mi, ale be miaka afa o. Ɣe aɖo to ɖe nyagblɔɖilawo,Eye ŋkeke ado viviti ɖe wo.+   Ŋukpe alé ŋutegakpɔlawo,+Eye nukalawo ƒe mo atsi dãa. Wo katã woatsyɔ nu woƒe nutage dzi,*Elabena ŋuɖoɖo aɖeke metso Mawu gbɔ o.’”   Ke nye ya la, le Yehowa ƒe gbɔgbɔ ta, ŋusẽ,Nu dzɔdzɔe wɔwɔ kple ŋutete yɔ menye taŋ,Ne magblɔ Yakob ƒe aglãdzedze nɛ, eye maʋu go Israel ƒe nu vɔ̃ nɛ.   Mi Yakob ƒe aƒe la ƒe tatɔwoKple mi Israel ƒe aƒe la ƒe kplɔlawo, meɖe kuku, misee,+Mi ame siwo tsri nya dzɔdzɔe, eye mieglɔ̃ nu siwo katã dzɔ,+ 10  Mi ame siwo tsɔ ʋukɔkɔɖi tsò Zion hetsɔ nu madzɔmadzɔ wɔwɔ tsò Yerusalem.+ 11  Eƒe kplɔlawo* drɔ̃a ʋɔnu le zãnuxɔxɔ ta,+Eƒe nunɔlawo fiaa nu le fetu ta,+Eye eƒe nyagblɔɖilawo gblɔa nya ɖi le ga* ta.+ Evɔ woziɔna ɖe Yehowa ŋu* nɔa gbɔgblɔm be: “Ðe Yehowa mele mía dome oa?+ Vɔ̃ aɖeke mava mía dzi o.”+ 12  Eya ta le miaƒe nuwɔnawo taWoaŋlɔ Zion abe agble ene,Yerusalem azu glikpo,+Eye gbedoxɔ la ƒe to azu togbɛ toave.+

Etenuŋɔŋlɔ

Alo, “nuɖaze si ƒe nu keke.”
Agate ŋu afia, “ne wokpɔ nane le ɖuɖum la.”
Alo, “woatsyɔ asi nu.”
Egɔmeɖeɖe tẽe, “tatɔwo.”
Alo, “klosalo.”
Alo, “woawo ŋutɔwo be yewoziɔ ɖe Yehowa ŋu.”