Marko 16:1-8
-
Wofɔ Yesu ɖe tsitre (1-8)
16 Eya ta esi Sabat+ la va yi vɔ la, Maria Magdalatɔ kple Maria+ si nye Yakobo dada kpakple Salome woƒle atike ʋeʋĩwo be yewoayi aɖasi na Yesu ƒe kukua.+
2 Eye le kwasiɖaa ƒe ŋkeke gbãtɔ ƒe ŋdi kanya esi agu dze la, wova yɔdo*+ la to.
3 Eye wonɔ wo nɔewo biam be: “Ame kae amli kpea ɖa le yɔdoa nu na mí?”
4 Ke esi wofɔ kɔ dzi la, wokpɔe be womli kpea ɖa xoxo, togbɔ be elolo ŋutɔ hã.+
5 Esi woge ɖe yɔdoa me la, wokpɔ ɖekakpui aɖe wòbɔbɔ nɔ ɖusime le awu ʋlaya ɣi me, eye dzidzi ƒo wo.
6 Egblɔ na wo be: “Dzidzi megaƒo mi o.+ Menya be Yesu Nazaretetɔ si wohe ɖe ati ŋu la dim miele. Wofɔe ɖe tsitre.+ Mele afi sia o. Mikpɔ afi si wotsɔe mlɔ la ɖa!+
7 Ke miheyi ɖagblɔ na eƒe nusrɔ̃lawo kple Petro be, ‘Edze mia ŋgɔ yina Galilea.+ Afi mae miakpɔe le, abe ale si wògblɔe na mi ene.’”+
8 Eye esi wodo go la, wode afɔ du me tso yɔdo la gbɔ, henɔ dzodzom nyanyanya kple vɔvɔ̃ gã aɖe. Eye womegblɔ nya aɖeke na ame aɖeke o, elabena vɔvɔ̃ lé wo.*+
Etenuŋɔŋlɔ
^ Alo, “ŋkuɖodziyɔdo.”
^ Blema asinuŋɔŋlɔgbalẽ xoxotɔ aɖewo siwo ŋu kakaɖedzi le la ɖee fia be Marko ƒe Nyanyuigbalẽa wu enu kple nya siwo le 16:8. Kpɔ Megbenyawo A3.
