Lododowo 15:1-33

  • Nyaŋuɖoɖo fafɛ tsia dziku nu (1)

  • Yehowa ƒe ŋku le afi sia afi (3)

  • Ame dzɔdzɔewo ƒe gbedodoɖa dzea Mawu ŋu (8)

  • Tameɖoɖowo tsia akpo dzi ne adaŋudede meli o (22)

  • Bu tame hafi nàɖo nya ŋu (28)

15  Nyaŋuɖoɖo fafɛ* tsia dziku nu,+Ke gbedaɖeamegbɔ* nana dɔmedzoe flana.+   Nunyala ƒe aɖe wɔa sidzedze ŋu dɔ nyuie,+Ke bometsitsi dona le bometsilawo nu gbẽgbẽgbẽ.   Yehowa ƒe ŋku le afi sia afi,Eléa ŋku ɖe ame vlowo kple ame nyuiwo siaa ŋu.+   Aɖe fafɛ* la, agbeti wònye,+Ke nya totro nana mɔkpɔkpɔ buna ɖe ame.*   Bometsila doa vlo fofoa ƒe amehehe,+Ke aɖaŋudzela lɔ̃na xɔa ɖɔɖɔɖo.*+   Kesinɔnu bɔ ɖe ame dzɔdzɔe ƒe aƒe me,Ke nu si su ame vɔ̃ɖi si* hea xaxa vaa edzi.+   Nunyalawo ƒe nuyiwo kakaa sidzedze,+Ke bometsilawo ƒe dzi ya mele alea o.+   Ame vɔ̃ɖiwo ƒe vɔsa nye ŋunyɔ na Yehowa,+Ke ame dzɔdzɔewo ƒe gbedodoɖa dzea Eŋu.+   Ame vɔ̃ɖi ƒe zɔzɔme nye ŋunyɔ na Yehowa,+Ke ame si tia dzɔdzɔenyenye yome lae wòlɔ̃na.+ 10  Amehehe tena ɖe* ame si gblẽ mɔ la ɖi dzi,+Ke ame sia ame si lé fu mokaname la aku.+ 11  Tsiẽƒe* kple tsɔtsrɔ̃ƒe* gɔ̃ hã le nuvo le Yehowa ŋkume.+ Ʋuu keke wòahayi amegbetɔviwo ƒe dzi nye ge!+ 12  Fewuɖula melɔ̃a ame si ɖɔnɛ ɖo o.*+ Media aɖaŋuɖoɖo le nunyalawo gbɔ o.+ 13  Dzi kpɔdzidzɔ nana mo kɔna,Ke dzi si le veve sem nana nu tea ame ƒe gbɔgbɔ ŋu.+ 14  Dzi senugɔme dia sidzedze yome mɔ,+Ke movidzɔdzɔ zu nuɖuɖu na bometsilawo ƒe nu.*+ 15  Ame si le fu kpem la ƒe ŋkekewo katã nye vɔ̃,+Ke ame si ƒe dzi le dzidzɔ kpɔm la tua aglo ɣesiaɣi.+ 16  Nu ʋɛ ƒe amesinɔnɔ si ŋu Yehowa vɔvɔ̃ kpe ɖo la+Nyo wu kesinɔnu geɖe si ŋu dzimaɖeɖi* kpe ɖo.+ 17  Ama agba ɖeka si ŋu lɔlɔ̃ kpe ɖo+ laNyo wu nyitsu dami si ŋu fuléle kpe ɖo.+ 18  Dɔmedzoetɔ dɔa avu,+Ke dzigbɔɖitɔ tsia dzre nu.+ 19  Kuviatɔ ƒe mɔ le abe ŋùkpɔ ene,+Ke ame dzɔdzɔe ƒe toƒe le abe mɔ tata sɔsɔe ene.+ 20  Vi nyanu doa dzidzɔ na fofoa,+Ke bometsila doa vlo dadaa.+ 21  Ame si si tagbɔ mele o* la, eya nue bometsitsi vivina,+Ke nugɔmesela léa eƒe mɔ tsɔna tẽe.+ 22  Afi si adaŋudede* mele o la, tameɖoɖowo tsia akpo dzi,Ke afi si aɖaŋuɖola* geɖewo le la, nuwo dzea edzi.+ 23  Ame ƒe nyaŋuɖoɖo nyuie* nana wòkpɔa dzidzɔ,+Eye nya si wogblɔ ɖe egblɔɣi la vivina loo!+ 24  Agbemɔ ɖo ta dzi na ame si dze nunya,+Ne wòaƒo asa na Tsiẽƒe* le anyigba tume.+ 25  Yehowa agbã dadala ƒe aƒe gudugudu,+Ke ana ahosi ƒe liƒo nanɔ anyi pɛpɛpɛ.+ 26  Ame vɔ̃ɖiwo ƒe tame vɔ̃ ɖoɖo nye ŋunyɔ na Yehowa,+Ke nya dzetowo le dzadzɛ le eŋkume.+ 27  Ame si le viɖe madzɔmadzɔ yome la dea eya ŋutɔ ƒemetɔwo xaxa* me,+Ke ame si tsria zãnuxɔxɔ lae anɔ agbe.+ 28  Ame dzɔdzɔe ƒe dzi bua tame hafi ɖoa nya ŋu,*+Ke nya vlowo dona le ame vɔ̃ɖiwo nu gbẽgbẽgbẽ. 29  Yehowa le adzɔge ʋĩi tso ame vɔ̃ɖiwo gbɔ,Ke esea ame dzɔdzɔewo ƒe gbedodoɖa.+ 30  Ne ŋku dzi kɔ la, dzi kpɔa dzidzɔ;*Eye nya nyui dea agbe ƒuwo me.*+ 31  Ame si sea mokaname si hea agbe vanɛ la,Akpɔ nɔƒe le nunyalawo dome.+ 32  Ame si doa toku amehehe doa vlo eƒe agbe,*+Ke ame sia ame si xɔa mokaname la, gɔmesese sua esi.*+ 33  Yehowa vɔvɔ̃ nye amehehe si nana wodzea nunya,+Eye ɖokuibɔbɔ doa ŋgɔ na bubu.+

Etenuŋɔŋlɔ

Alo, “Nyaŋuɖoɖo kple gbe bɔbɔe.”
Alo, “nya veame gbɔgblɔ.”
Alo, “Aɖe si yɔa dɔ ame.”
Egɔmeɖeɖe tẽe, “Ke nya totro tea ame ƒe gbɔgbɔ ɖe anyi.”
Alo, “xɔa mokaname.”
Alo, “ame vɔ̃ɖi ƒe hokpɔkpɔ.”
Alo, “Amehehe nye nu sesẽ na.”
Alo, “Sheol,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.
Alo, “Abadon.”
Alo, “ame si gbea nya nɛ o.”
Alo, “Bometsilawo ƒe nuyiwo nɔa movidzɔdzɔ yome.”
Alo, “tɔtɔ.”
Egɔmeɖeɖe tẽe, “Ame si si dzi nyanu mele o.”
Alo, “nyalélekpɔ.”
Alo, “adaŋudela.”
Egɔmeɖeɖe tẽe, “Nyaŋuɖoɖo si do le ame nu.”
Alo, “Sheol,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.
Alo, “ŋukpe.”
Alo, “hafi ƒoa nu.”
Alo, “Mokɔkɔ doa dzidzɔ na dzi.”
Egɔmeɖeɖe tẽe, “dea ami ƒuto me.”
Alo, “luʋɔ.”
Egɔmeɖeɖe tẽe, “dzi nyanu sua esi.”