Hosea 6:1-11
6 “Miva ne míatrɔ ɖe Yehowa ŋu,Elabena evuvu mí ʋayaʋaya,+ ke ada gbe le mía ŋu.
Ede abi mía ŋu, ke ablae na mí.
2 Agbɔ agbe mí le ŋkeke eve megbe.
Afɔ mí le ŋkeke etɔ̃a gbe,Eye míanɔ agbe le eŋkume.
3 Míadze si Yehowa, míadze agbagba vevie adze sii.
Ele dodo ge kokoko abe agudzedze ene;Ava mía gbɔ abe tsidzadza ene,Abe adatsi si ƒoa anyigba ene.”
4 “Efrayim, nu kae mawɔ wò?
Yuda, nu kae mawɔ wò?
Elabena miaƒe lɔlɔ̃ le abe ŋdililikpowo ene,Ele abe zãmu si nu yina ene.
5 Esia tae mato nyagblɔɖilawo dzi afli wo;+Matsɔ nye numenyawo awu wo.+
Ʋɔnudɔdrɔ̃ si ava mia dzi la aklẽ abe kekeli ene.+
6 Elabena lɔlɔ̃ vavã* dzea ŋunye wu vɔsa,Eye sidzedze Mawu dzea ŋunye wu numevɔsa blibo.+
7 Ke wotu nubabla+ la abe ale si amegbetɔ wɔa nui ene.
Womewɔ nuteƒe nam o.
8 Gilead nye nu tovo wɔlawo ƒe du,+Eme yɔ fũu kple afɔteƒe siwo nye ʋu.+
9 Nunɔlawo ƒe ha le abe adzoha siwo de xa ɖi na ame ene.
Wowua ame le Sekem mɔ dzi,+Elabena woƒe nuwɔna nye ŋukpenanu.
10 Mekpɔ ŋunyɔnu si teƒe mekɔ o le Israel ƒe aƒe la me.
Afi mae Efrayim wɔa gbolo le;+Israel gblẽ kɔ ɖo na eɖokui.+
11 Oo Yuda, woɖo nuŋeɣi ɖi na wò hã,Ne megaƒo nye dukɔ ƒe aboyomewo nu ƒu hekplɔ wo gbɔe.”+
Etenuŋɔŋlɔ
^ Alo, “Elabena nublanuikpɔkpɔ.”
