Hosea 14:1-9

  • Woƒo koko na wo be woatrɔ ava Yehowa gbɔ (1-3)

    • Woatsɔ nuyiwo asa vɔe (2)

  • Israel ƒe nuteƒemawɔmawɔ ɖɔɖɔɖo (4-9)

14  “Oo Israel, trɔ va Yehowa wò Mawu gbɔ,+Elabena miekli nu le miaƒe vodadawo ta.   Mitrɔ va Yehowa gbɔ miava gblɔ nya siawo,Migblɔ nɛ be, ‘Tsɔ miaƒe vodada ke;+ lɔ̃ nàxɔ míaƒe nu nyuiwo,Ekema míawo hã míatsɔ míaƒe nuyi asa vɔe+ abe nyitsuiwo ene.*   Asiria maxɔ na mí o.+ Míado sɔwo o.+Eye míagayɔ míaƒe asinudɔwɔwɔwo be, “Mía Mawu!” azɔ o,Elabena wòe kpɔa nublanui na tsyɔ̃eviwo.’+   Mayɔ dɔ woƒe nuteƒemawɔmawɔ la.+ Malɔ̃ wo tso dzi me faa,+Elabena nye dɔmedzoe nu fa ɖe eŋu.+   Manɔ na Israel abe zãmu ene;Aƒo se abe dzogbenya ene,Eye wòato ke abe ati siwo le Lebanon ene.   Eƒe alɔwo avu dranyii,Bubu anɔ eŋu abe amiti ene,Eye eƒe ʋeʋẽ lilili anɔ abe Lebanon tɔ ene.   Amewo aganɔ eƒe vɔvɔli te. Woaƒã nu, eye woaƒo se abe wainka ene.+ Axɔ ŋkɔ* abe Lebanon ƒe wain ene.   Efrayim agblɔ be, ‘Nya kae gale nye kple legbawo dome?’+ Matɔ nɛ, eye nye ŋku anɔ eŋu.+ Manɔ nɛ abe sesewuti dama ene. Dzinyee miakpɔ kutsetse le.”   Ame kae nye nunyala? Nese nu siawo gɔme. Ame kae nye aɖaŋudzela? Nedze si nu siawo. Elabena Yehowa ƒe mɔwo dzɔ,+Eye ame dzɔdzɔewoe ato wo dzi;Ke nu tovo wɔlawo adze anyi le wo dzi.

Etenuŋɔŋlɔ

Egɔmeɖeɖe tẽe, “míawo hã míatsɔ míaƒe nuyiwo ƒe nyitsuiwo asa vɔe.”
Egɔmeɖeɖe tẽe, “Woaɖo ŋku edzi.”