Habakuk 2:1-20

  • “Manɔ ŋudzɔ, ne makpɔ nya si wòagblɔ” (1)

  • Yehowa ɖo nya ŋu na nyagblɔɖila la (2-​20)

    • ‘Nɔ ŋutega la sinu kpɔm!’ (3)

    • Ame dzɔdzɔe ƒe nuteƒewɔwɔ ana wòanɔ agbe (4)

    • Fuwɔame atɔ̃ siwo ava Kaldeatɔwo dzi (6-20)

      • Sidzedze Yehowa axɔ anyigba la dzi (14)

2  Matsi tsitre ɖe nye gbetakpɔƒe la,+Eye matɔ ɖe kpoƒuƒu la tame. Manɔ ŋudzɔ, ne makpɔ nya si wòagblɔ to dzinye,Kple nya si magblɔ ne eka mo nam.   Eye Yehowa ɖo eŋu nam be: “Ŋlɔ ŋutega la ɖi, eye nàɖee ɖe kpe gbadzɛwo dzi wòadze nyuie,+Ale be ame si kɔ gbe dzi le exlẽm la nate ŋu axlẽe bɔbɔe.*+   Elabena azãgbe li na ŋutega la,Eƒe nuwuwu* le aƒe tum kabakaba, eye maflu ame o. Ne etsi megbe hã la,* nɔ esinu kpɔm!*+ Elabena ele eme va ge kokoko. Mahe ɖe megbe o!   Kpɔ ame si dana la ɖa;*Nu dzɔdzɔe wɔwɔ aɖeke mele eya amea me o. Ke ame dzɔdzɔe ya ƒe nuteƒewɔwɔ* ana wòanɔ agbe.+   Esi wain nye ameflula ta la,Ŋutsu dadala maɖo eƒe taɖodzinu gbɔ o. Ekeke eƒe dzodzrowo* abe Tsiẽƒe* ene;Ele abe ku ene, eye metea ŋu ɖia ƒo o. Ele dukɔwo katã nu ƒom ƒu,Eye wòle ƒu ƒom amewo katã na eɖokui.+   Ðe ame siawo katã mado hamelo ahagblɔ nyamenya atsɔ asi ahama ɖe eŋu oa?+ Woagblɔ be: ‘Baba na ame si ƒo nu geɖe siwo menye etɔ o la nu ƒu—Ɣekaɣi wòayi esia wɔwɔ dzi ase ɖo?—Baba nɛ, elabena fe ko nyim wòle ɖe edzi!   Ðe wò fetɔwo mava do zi ɖeka kpoyi oa? Woatso eye woaʋuʋu wò sesĩe,Eye àzu nuhaha na wo.+   Esi nèha dukɔ geɖewo ta la,Dukɔwo ƒe susɔeawo katã aha wò,+Le ameʋu si nèkɔ ɖiKple ŋuta si nèsẽ le anyigba laKple du la kpakple emenɔlawo ŋu ta.+   Baba na ame si dia viɖe ƒoɖi na eƒe aƒe,Ne wòawɔ atɔ ɖe kɔkɔƒe,Ale be wòasi le vɔ̃ nu! 10  Èɖo nu si ahe ŋukpe va wò aƒe dzi la ɖe tame. Esi nètsrɔ̃ dukɔ geɖewo ta la, èwɔ nu vɔ̃ ɖe ɖokuiwò* ŋu.+ 11  Elabena kpe ado ɣli le gli me,Eye daɖedzi axee le xɔtiwo me. 12  Baba na ame si tsɔ ʋukɔkɔɖi le du tsom,Eye wòtsɔ nu madzɔmadzɔ wɔwɔ li ke dui! 13  Kpɔ ɖa! Ðe menye aʋakɔwo ƒe Yehowa* gbɔe wòtso be dukɔwo nadze agbagba dzodzro hena dzo,Eye dukɔwo naku kutri dzodzro oa?+ 14  Elabena Yehowa ƒe ŋutikɔkɔe ŋuti sidzedze axɔ anyigba la dzi,Abe ale si tsi yɔ atsiaƒu mee ene.+ 15  Baba na ame si na nane ehavi wònoEye wòtsɔ dziku kple dɔmedzoe kpe ɖe eŋu be wòamu,Ne wòakpɔ eƒe ama! 16  Vlododo aɖi ƒo na wò ɖe bubu teƒe. Wò hã noe, ne nàklo nu le wò aʋamatsomatso dzi.* Kplu si le Yehowa ƒe nuɖusi me la atrɔ ava gbɔwò,+Eye ŋukpe atsyɔ wò bubu dzi; 17  Elabena ŋuta si nèsẽ le Lebanon ŋu,Kple wò nu gbegblẽ si do ŋɔdzi na lãwo la ava dziwò,Le ameʋu si nèkɔ ɖiKple ŋuta si nèsẽ le anyigba laKple du la kpakple emenɔlawo ŋu la ta.+ 18  Viɖe kae le nu kpakpɛ ŋuHafi ekpala kpae, Viɖe kae le galegba* kple alakpanufiala la ŋu,Hafi ewɔla ɖoa ŋu ɖe eŋu,Eye wòwɔa mawu maɖinu siwo meƒoa nu o?+ 19  Baba na ame si le gbɔgblɔm na ati be, “Nyɔ!” Alo na kpe maƒonu be, “Fɔ! Fia nu mí”! Kpɔ ɖa, wofa sika kple klosalo ɖe eŋu,+Ke gbɔgbɔ kui ɖeka hã mele eme o.+ 20  Ke Yehowa le eƒe gbedoxɔ kɔkɔe la me.+ Anyigba blibo la nezi ɖoɖoe le eŋkume!’”+

Etenuŋɔŋlɔ

Alo, “wòazɔ tẽe.”
Alo, “Emevava.”
Alo, “Ne edze abe ɖe wòtsi megbe ene hã la.”
Alo, “nɔ mɔ kpɔm nɛ vevie!”
Alo, “Kpɔ ɖa! Eƒe luʋɔ vu gblotoo.”
Agate ŋu afia, “xɔse; dzixɔse.”
Alo, “eƒe luʋɔ.”
Alo, “Sheol,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.
Alo, “ɖe wò luʋɔ.”
“Yehowa Zebaot” le Hebrigbe me.
Agate ŋu afia, “ne nànɔ ya mum.”
Alo, “legba si wolólo ga kɔ̀.”