Nyaɖeɖefia 10:1-11

  • Mawudɔla sesẽ aɖe kple agbalẽ xatsaxatsa sue aɖe (1-7)

    • “Womagahe ɖe megbe azɔ o” (6)

    • Nya ɣaɣla kɔkɔe ava eme (7)

  • Yohanes ɖu agbalẽ sue la (8-11)

10  Eye mekpɔ mawudɔla sesẽ bubu aɖe wòle ɖiɖim tso dziƒo, edo alilikpo, anyieʋɔ le ta nɛ, eƒe mo le abe ɣe+ ene, eƒe afɔwo le abe dzosɔtiwo ene,  eye agbalẽ sue aɖe si woʋu la le esi. Etsɔ eƒe ɖusifɔ ɖo atsiaƒu dzi, eye wòtsɔ eƒe miafɔ ya ɖo anyigba dzi,  eye wòdo ɣli kple gbe sesẽ aɖe abe dzata+ ƒe gbeɖeɖe ene. Esi wòdo ɣli la, dziɖegbe+ adreawo ƒo nu.  Esi dziɖegbe adreawo ƒo nu la, medi be maŋlɔe; gake mese gbe aɖe tso dziƒo+ gblɔ be: “Tre nya siwo dziɖegbe adreawo gblɔ la nu, eye mègaŋlɔ wo o.”  Eye mawudɔla si mekpɔ wòle tsitre ɖe atsiaƒu kple anyigba dzi la do eƒe nuɖusi ɖe dziƒo,  eye wòtà Ame si le agbe tso mavɔ me yi mavɔ me,+ ame si wɔ dziƒo kple emenuwo, anyigba kple edzinuwo, kpakple atsiaƒu kple emenuwo+ la be: “Womagahe ɖe megbe azɔ o.  Ke le ŋkeke siwo me mawudɔla adrelia+ aku eƒe kpẽa+ la, nya ɣaɣla kɔkɔe,+ si nye nya nyui si Mawu gblɔ na eya ŋutɔ ƒe kluvi nyagblɔɖilawo+ la ava eme.”  Eye gbe si mese tso dziƒo+ la gaƒo nu kplim gblɔ be: “Heyi, xɔ agbalẽ si le ʋuʋu le mawudɔla si le tsitre ɖe atsiaƒu kple anyigba dzi la si.”+  Eye meyi mawudɔla la gbɔ ɖagblɔ nɛ be wòatsɔ agbalẽ sue la nam. Egblɔ nam be: “Xɔe, eye nàɖui,+ ele veve ge le dɔ me na wò, ke avivi le nu me na wò abe anyitsi ene.” 10  Eye mexɔ agbalẽ sue la le mawudɔla la si ɖu,+ eye wòvivi le nye nu me abe anyitsi+ ene, ke esi meɖui vɔ la, enɔ vevem le dɔ me nam. 11  Eye wogblɔ nam be: “Ele be nàgagblɔ nya ɖi ɖe amewo kple dukɔwo kple gbegbɔgblɔwo kpakple fia geɖewo ŋuti.”

Etenuŋɔŋlɔ