3 Mose 23:1-44

  • Ŋkeke kɔkɔewo kple ŋkekenyuiwo (1-44)

    • Sabat (3)

    • Ŋutitotoŋkekenyui (4, 5)

    • Amɔwɔ Maʋamaʋã Bolo Ŋkekenyui (6-8)

    • Nuŋeŋe gbãtɔawo nana (9-14)

    • Kwasiɖawo ƒe Ŋkekenyui (15-21)

    • Agblemenukuwo ŋeŋe ŋuti se (22)

    • Takpegbe si dzi woaɖo ŋkui kple kpẽkuku (23-25)

    • Avuléŋkeke (26-32)

    • Agbadɔŋkekenyui (33-43)

23  Yehowa gagblɔ na Mose be:  “Gblɔ na Israel-viwo be, ‘Ŋkekenyui+ siwo Yehowa ɖo be miaɖu la nanye takpekpe kɔkɔewo. Miɖe gbeƒã+ nye ŋkekenyui siawo:  “‘Miate ŋu awɔ dɔ ŋkeke ade, ke ŋkeke adrelia anye dzudzɔ blibo ƒe sabat;+ enye takpegbe kɔkɔe. Migawɔ dɔ aɖeke o. Sabat wònye na Yehowa le mia nɔƒewo katã.+  “‘Esiawoe nye ŋkekenyui siwo Yehowa ɖo be miaɖu; takpegbe kɔkɔe siwo miaɖe gbeƒãe le woƒe ɣeyiɣiwo dzi:  Miɖu Ŋutitotoŋkekenyui+ na Yehowa le ɣleti gbãtɔ ƒe ŋkeke wuienelia dzi,+ le anyinutsyɔɣi.*  “‘Eye le ɣleti sia ƒe ŋkeke wuiatɔ̃lia dzi la, miɖu Amɔwɔ Maʋamaʋã Bolo Ŋkekenyui na Yehowa.+ Miɖu amɔwɔ maʋamaʋã bolo ŋkeke adre sɔŋ.+  Ŋkeke gbãtɔ nanye takpegbe kɔkɔe.+ Migawɔ dɔ sesẽ aɖeke o.  Ke misa dzovɔ na Yehowa ŋkeke adre sɔŋ. Ŋkeke adrelia nanye takpegbe kɔkɔe. Migawɔ dɔ sesẽ aɖeke o.’”  Yehowa gagblɔ na Mose be: 10  “Gblɔ na Israel-viwo be, ‘Ne mieva ɖo anyigba si metsɔ le mia na ge la dzi, eye mieŋe nu le edzi la, mitsɔ miaƒe nuŋeŋe gbãtɔawo+ ƒe babla ɖeka vɛ na nunɔla la,+ 11  ne wòanyè babla la le Yehowa ŋkume be miaƒe nu nadze eŋu. Nunɔla la nanyèe le Sabat ƒe ŋufɔke. 12  Gbe si gbe mietsɔ nuŋeŋe la vɛ wonyè la, mitsɔ alẽtsui si xɔ ƒe ɖeka, si sɔ blibo la na be wòatsɔ asa numevɔ na Yehowa. 13  Mitsɔ wɔ memee efa me mama ɖe ewo ƒe akpa eve* si wotsɔ ami dzabae la kpe ɖe eŋu miatsɔ asa dzovɔ be wòaʋẽ lilili* na Yehowa. Eye miatsɔ wain hin* me mama ɖe ene ƒe akpa ɖeka akpe ɖe eŋu atsɔ asa nunovɔ. 14  Migaɖu nuku yeye aɖeke o, woɖatsɔe mè abolo alo tɔe o, va se ɖe ŋkeke sia si dzi miatsɔ mia Mawu ƒe nunana la avɛ. Se wònye na mi ɖaa le miaƒe dzidzimewo katã me le mia nɔƒewo katã. 15  “‘Miaxlẽ sabat adre tso Sabat la ƒe ŋufɔke, gbe si gbe wonyè nuŋeŋe siwo mietsɔ vɛ la.+ Mixlẽ kwasiɖaawo woade pɛpɛpɛ. 16  Mixlẽ ŋkeke blaatɔ̃,+ eye esia adze Sabat adrelia ƒe ŋufɔke dzi, eye miatsɔ nuku yeyewo asa nuɖuvɔ na Yehowa.+ 17  Mitsɔ wɔ memee efa me mama ɖe ewo ƒe akpa eve* si me wode amɔwɔʋãnui+ la mè abolo eve tso mia nɔƒewo vɛ be wòanye kutsetse gbãtɔwo ƒe vɔsa si wonyè na Yehowa.+ 18  Eye miatsɔ alẽtsui adre siwo sɔ blibo, siwo xɔ ƒe ɖekaɖeka kple nyitsui ɖeka kpakple agbo+ eve akpe ɖe aboloawo ŋu. Miatsɔ wo asa numevɔ na Yehowa, eye miatsɔ nuɖuvɔ kple nunovɔ akpe ɖe eŋu, wòanye dzovɔsa si aʋẽ lilili* na Yehowa. 19  Tsɔ gbɔ̃tsui ɖeka na woatsɔ asa nuvɔ̃vɔ+ kple alẽtsui eve siwo xɔ ƒe ɖekaɖeka la na woatsɔ asa ŋutifafavɔ.+ 20  Nunɔla la nanyè wo kple kutsetse gbãtɔawo ƒe aboloawo le Yehowa ŋkume hekpe ɖe alẽtsui eveawo ŋu, wòanye nunyèvɔsa. Nu kɔkɔe woanye na Yehowa, eye woazu nunɔla la tɔ.+ 21  Miɖe gbeƒã+ gbe ma gbe be enye takpegbe kɔkɔe. Migawɔ dɔ sesẽ aɖeke o. Se wònye na mi ɖaa le miaƒe dzidzimewo katã me le mia nɔƒewo katã. 22  “‘Ne mieŋe nukuwo le miaƒe anyigba dzi la, mègaŋe esiwo le wò bo to la keŋkeŋ o, eye mègafɔ wò nuku siwo tsi anyi la o.+ Gblẽ wo ɖi na ame dahewo+ kple amedzroviwo.+ Nyee nye Yehowa mia Mawu.’” 23  Yehowa yi edzi gblɔ na Mose be: 24  “Gblɔ na Israel-viwo be, ‘Midzudzɔ mia ɖokuiwo bliboe le ɣleti adrelia ƒe ŋkeke gbãtɔ dzi. Anye miaƒe takpegbe kɔkɔe si dzi woaɖo ŋkui kple kpẽkuku.+ 25  Migawɔ dɔ sesẽ aɖeke o; misa dzovɔ na Yehowa.’” 26  Yehowa gagblɔ na Mose be: 27  “Ɣleti adrelia ma ke ƒe ŋkeke ewolia nanye Avuléŋkeke.+ Anye takpegbe kɔkɔe, miawɔ fu mia ɖokui,*+ eye miasa dzovɔ na Yehowa. 28  Migawɔ dɔ aɖeke le ŋkeke sia dzi o, elabena avuléŋkeke si dzi woalé avu+ ɖe mia ta le Yehowa mia Mawu la ŋkumee wònye. 29  Ame sia ame* si mawɔ fu eɖokui* le ŋkeke sia dzi o la, woatsrɔ̃e ɖa le eƒe dukɔ la dome.+ 30  Matsrɔ̃ ame sia ame si awɔ dɔ aɖe le ŋkeke sia dzi la ɖa le eƒe dukɔ la dome. 31  Migawɔ dɔ aɖeke o. Se wònye na mi ɖaa le miaƒe dzidzimewo katã me le mia nɔƒewo katã. 32  Dzudzɔ blibo ƒe sabat wònye na mi; miawɔ fu mia ɖokui*+ le ɣletia ƒe ŋkeke asiekelia dzi, le fiẽ. Miɖu sabat la tso fiẽ va se ɖe fiẽ.” 33  Yehowa yi edzi gblɔ na Mose be: 34  “Gblɔ na Israel-viwo be, ‘Tso ɣleti adrelia sia ƒe ŋkeke wuiatɔ̃lia dzi la, miaɖu Agbadɔŋkekenyui na Yehowa ŋkeke adre sɔŋ.+ 35  Miwɔ takpekpe kɔkɔe le ŋkeke gbãtɔ dzi, eye migawɔ dɔ sesẽ aɖeke o. 36  Ŋkeke adre miasa dzovɔ na Yehowa. Miwɔ takpekpe kɔkɔe+ le ŋkeke enyia gbe, eye miasa dzovɔ na Yehowa. Takpekpe tɔxɛ wònye. Migawɔ dɔ sesẽ aɖeke o. 37  “‘Esiawoe nye Yehowa ƒe ŋkekenyui+ siwo wòɖo na mi, siwo miaɖe gbeƒãe be wonye takpekpe kɔkɔewo,+ siwo dzi miasa numevɔ+ kple nuɖuvɔ+ kpakple nunovɔwo+ na Yehowa woanye dzovɔsawo le gbe sia gbe ɖoɖowɔɖia nu, 38  hekpe ɖe vɔ siwo miasa le Yehowa ƒe sabatwo+ dzi kpakple miaƒe nunanawo,+ miaƒe adzɔgbeɖenunanawo,+ kple miaƒe lɔlɔ̃nu faa nunana+ siwo katã miatsɔ ana Yehowa la ŋu. 39  Ne mieƒo nu siwo anyigbaa wɔ la nu ƒu la, ekema miaɖu Yehowa ƒe ŋkekenyui la le ɣleti adrelia ƒe ŋkeke wuiatɔ̃lia dzi ŋkeke adre+ sɔŋ. Ŋkeke gbãtɔ nanye dzudzɔ blibo, eye ŋkeke enyilia hã nanye dzudzɔ blibo.+ 40  Mitsɔ ati siwo nya kpɔ la dzi kutsetsewo, deʋayawo,+ ati siwo do nyuie la ƒe alɔwo kple amuti siwo le tɔʋu to la vɛ le ŋkeke gbãtɔ dzi, eye miakpɔ dzidzɔ+ le Yehowa mia Mawu ŋkume ŋkeke adre.+ 41  Eye wòanye ŋkekenyui miaɖu na Yehowa ŋkeke adre sɔŋ le ƒea me.+ Miaɖui le ɣleti adrelia me; se wònye na mi ɖaa le miaƒe dzidzimewo katã me. 42  Minɔ agbadɔ me ŋkeke adre+ sɔŋ. Israel vidzidziwo katã nanɔ agbadɔ me, 43  ne miaƒe dzidzimewo nanyae+ be agbadɔ mee mena Israel-viwo nɔ esime mekplɔ wo tso Egipte-nyigba dzi.+ Nyee nye Yehowa mia Mawu.’” 44  Ale Mose gblɔ ŋkekenyui siwo Yehowa ɖo be woaɖu la na Israel-viwo.

Etenuŋɔŋlɔ

Egɔmeɖeɖe tẽe, “le fiẽ eveawo dome.”
Hin ɖeka le lita 3.67. Kpɔ Megbenyawo B14.
Alo, “faa dzi; naa dzidzeme.”
Efa me mama ɖe ewo ƒe akpa eve le lita 4.4. Kpɔ Megbenyawo B14.
Efa me mama ɖe ewo ƒe akpa eve le lita 4.4. Kpɔ Megbenyawo B14.
Alo, “faa dzi; naa dzidzeme.”
Alo, “miaƒe luʋɔ.” Zi geɖe la, be “woawɔ fu ame ɖokui” fia nutete ame ɖokui le mɔ vovovowo nu, nutsitsidɔ hã le eme.
Alo, “Luʋɔ sia luʋɔ.”
Agate ŋu afia, “matsi nu adɔ.”
Alo, “miaƒe luʋɔ.”