2 Mose 15:1-27

  • Mose kple Israel-viwo ƒe aʋadziɖuha (1-19)

  • Miriam xe ha (20, 21)

  • Tsi veve la zu tsi vivi (22-27)

15  Ɣemaɣi la, Mose kple Israel-viwo dzi ha sia tsɔ kafu Yehowa be:+ “Madzi ha na Yehowa, elabena eƒe ŋutikɔkɔe de dzi bobobo.+ Etsɔ sɔ kple edola ƒu gbe ɖe atsiaƒu la me.+   Nye ŋusẽ kple nye ŋutetee nye Yah,* elabena eyae nye nye xɔname.+ Nye Mawue, eya ta makafui;+ fofonye ƒe Mawue,+ eya ta madoe ɖe dzi.+   Yehowa nye aʋakalẽtɔ.+ Eŋkɔe nye Yehowa.+   Ede Farao ƒe tasiaɖamwo kple eƒe aʋakɔ la ƒu,+Eye eƒe aʋawɔla bibiwo nyrɔ ɖe Ƒudzĩ la me.+   Tsi dzeagbowo nyè tsyɔ wo dzi; wodze to le atsiaƒu ƒe gogloƒewo abe kpe ene.+   Oo Yehowa, ŋusẽ le wò nuɖusibɔ ŋu ale gbegbe;+Oo Yehowa, wò nuɖusibɔ ate ŋu aka futɔwo ahlẽ.   Esi wò gãnyenye teƒe mekɔ o ta la, àte ŋu aƒo ame siwo tso ɖe ŋuwò la aƒu anyi;+Èdɔ wò dziku bibi la ɖa, eye wòfiã wo abe ahɔ̃liti ene.   Wò ŋɔtimegbɔgbɔ na tsiwo li kɔ ɖi;Wotɔ ɖi maʋamaʋãe abe tɔɖɔɖɔ si woxe mɔ na ene;Tsi dzeagbowo bla le atsiaƒu la titina.   Futɔ la be: ‘Mati wo yome! Matu wo! Mama aboyonu va se ɖe esime meɖi ƒo!* Maɖe nye yi ɖe go! Nye asi akpe wo dzi!’+ 10  Ƒuƒu ko nèɖo, eye atsiaƒu la tsyɔ wo dzi;+Wonyrɔ abe asabukpe ene ɖe tɔ gãwo me. 11  Oo Yehowa, mawu kae le abe wò ene le mawuwo dome?+ Ame kae le abe wò, ame si ƒe kɔkɔenyenye teƒe mekɔ o la, ene?+ Wò, Ame si woavɔ̃ ahadzi kafukafuhawo na, wò, Ame si le nukunuwo wɔm.+ 12  Èdo wò nuɖusi ɖa, eye anyigba mi wo.+ 13  Èkplɔ dukɔ si nèxɔ na la le wò amenuveve me;+Àkplɔ wo ayi wò nɔƒe kɔkɔe la le wò ŋusẽ me. 14  Dukɔwo asee;+ dzidzi aƒo wo;Filistitɔwo ase veve* vevie. 15  Dzidzi aƒo Edom ƒe amegãwo ɣemaɣi;Moab-megãwo* hã adzo nyanyanya.+ Dzi aɖe le Kanaantɔwo katã ƒo.+ 16  Vɔvɔ̃ kple ŋɔdzi alé wo.+ Wò alɔ sesẽ ana woatsi maʋamaʋã abe kpe ene,Oo Yehowa, va se ɖe esime wò dukɔ la va yi,Va se ɖe esime dukɔ si nèwɔ+ la tso eme va yi.+ 17  Àkplɔ wo vɛ, eye àdo wo ɖe to, si nye tɔwò la dzi,+Oo Yehowa, teƒe si nèdzra ɖo na ɖokuiwò be yeanɔ la,Oo Yehowa, kɔkɔeƒe si nètsɔ wò asiwo li kee la. 18  Yehowa aɖu fia ɖaa tegbetegbe.+ 19  Esi Farao ƒe sɔwo kple eƒe aʋatasiaɖamwo kpakple eƒe sɔdolawo ge ɖe ƒua me la,+Yehowa na ƒu la nyè tsyɔ wo dzi,+Gake Israel-viwo zɔ ƒuƒuiƒe to ƒu la titina.”+ 20  Eye nyɔnunyagblɔɖila Miriam, si nye Aron nɔvi, tsɔ axatsɛ ɖe asi, eye nyɔnuawo katã tsɔ axatsɛwo ɖe asi le ɣe ɖum kplɔe ɖo. 21  Eye Miriam xe ha na ŋutsuawo be: “Midzi ha na Yehowa, elabena eƒe ŋutikɔkɔe de dzi bobobo.+ Etsɔ sɔ kple edola ƒu gbe ɖe atsiaƒu la me.”+ 22  Emegbe Mose kplɔ Israel-viwo dzo le Ƒudzĩ la nu, eye woyi Sur gbedzi. Eye wozɔ gbea dzi ŋkeke etɔ̃, ke womekpɔ tsi o. 23  Wova ɖo Mara,*+ ke womete ŋu no tsi si le Mara o, elabena tsia le vevem. Esia tae wòna ŋkɔ teƒe ma be Mara. 24  Eya ta dukɔ la lĩ liʋiliʋĩ le Mose ŋu+ hebia be: “Nu kae míano?” 25  Mose do ɣli na Yehowa,+ eye Yehowa fia ati aɖee. Esi wòtsɔe da ɖe tsia me la, tsia zu tsi vivi. Afi ma Mawu na se kple ʋɔnudrɔ̃ɖoɖo wo le, eye afi mae wòdo wo kpɔ le.+ 26  Eye wògblɔ be: “Ne èɖo to Yehowa wò Mawu ƒe gbe bliboe hewɔ nu si le dzɔdzɔe le eŋkume, eye nèƒu to anyi ɖe eƒe sededeawo ŋu hewɔ eƒe ɖoɖowo katã dzi la,+ ekema nyemahe dɔvɔ̃ siwo katã mehe va Egiptetɔwo dzi la dometɔ aɖeke ava dziwò o;+ elabena nye Yehowae le gbe dam le ŋuwò.”+ 27  Emegbe wova Elim, afi si tsidzɔƒe wuieve kple deti blaadre le. Eye woƒu asaɖa anyi ɖe afi ma le tsia gbɔ.

Etenuŋɔŋlɔ

“Yah” nye ŋkɔ Yehowa ŋɔŋlɔ kpuie.
Alo, “nye luʋɔ ɖi ƒo.”
Egɔmeɖeɖe tẽe, “alé ku.”
Alo, “Moab ƒe ŋutasẽdziɖulawo.”
Egɔmee nye, “Veve.”