2 Mose 11:1-10

  • Wogblɔ fuwɔame ewolia ŋu nya (1-10)

    • Israel-viwo nabia nunanawo (2)

11  Eye Yehowa gblɔ na Mose be: “Magahe fuwɔame ɖeka pɛ ko ava Farao kple Egiptetɔwo dzi. Emegbe aɖe asi le mia ŋu miadzo le afi sia.+ Ne ele asi ɖem le mia ŋu la, ɖe wòanya mi adzoe le afi sia.+  Azɔ gblɔ na dukɔ la be, ŋutsu sia ŋutsu kple nyɔnu sia nyɔnu nabia klosalonuwo kple sikanuwo ehavi.”+  Ale Yehowa na Egiptetɔwo ve Israel-viwo nu. Eye Farao ƒe subɔviwo kple eƒe dukɔ la de bubu Mose ŋu ŋutɔ le Egipte-nyigba la dzi.  Eye Mose gagblɔ be: “Ale Yehowa gblɔe nye esi: ‘Le zã titina lɔƒo la, mato Egipte-nyigba blibo la dzi,+  eye ŋgɔgbeviwo katã aku le Egipte-nyigba dzi,+ tso Farao si bɔbɔ nɔ eƒe fiazikpui dzi la ƒe ŋgɔgbevi dzi va ɖo kosi si le téƒo ƒe ŋgɔgbevi dzi, va se ɖe lã ɖe sia ɖe ƒe ŋgɔgbevi dzi.+  Eye konyifaɣli gã aɖe aɖi le Egipte-nyigba blibo la katã dzi, ɣli si tɔgbi meɖi kpɔ o, eye etɔgbi magaɖi akpɔ gbeɖe o.+  Gake avu gɔ̃ hã mawó ɖe Israel-viwo ŋutɔwo loo alo woƒe lãwo ŋu o; ne miadze sii be Yehowa ate ŋu ade vovototo Egiptetɔwo kple Israel-viwo dome.’+  Eye wò subɔviwo katã ava gbɔnye ahabɔbɔ nam agblɔ be: ‘Wò ŋutɔ kple dukɔ si le ŋuwò la katã miheyi.’+ Emegbe madzo.” Ale wòdo dziku vevie hedzo le Farao gbɔ.  Eye Yehowa gblɔ na Mose be: “Farao maɖo to mi o,+ bena nye nukunuwo nasɔ gbɔ le Egipte-nyigba la dzi.”+ 10  Eye Mose kple Aron wɔ nukunu siawo katã le Farao ŋkume;+ ke Yehowa ɖe mɔ Farao gasẽ dzi me, ale be meɖe asi le Israel-viwo ŋu wodzo le eƒe anyigba dzi o.+

Etenuŋɔŋlɔ