1 Mose 26:1-35

  • Isak kple Rebeka le Gerar (1-11)

    • Mawu ɖo kpe eƒe ŋugbedodo dzi na Isak (3-5)

  • Wowɔ dzre ɖe vudowo ta (12-25)

  • Isak bla nu kple Abimelek (26-33)

  • Esau ɖe Hiti-nyɔnu eve (34, 35)

26  Ke dɔ to le anyigba la dzi, esia to vovo na dɔ si to va yi le Abraham ŋɔli;+ eya ta Isak yi Filistitɔwo ƒe fia Abimelek gbɔ le Gerar.  Yehowa ɖe eɖokui fiae gblɔ be: “Mègayi Egipte o. Nɔ anyigba si matia na wò la dzi.  Nɔ anyigba sia dzi nànye amedzro le edzi,+ manɔ kpli wò, eye mayra wò, elabena wò kple wò dzidzimeviwoe matsɔ anyigba siawo katã ana,+ eye mawɔ atam si meka na fofowò Abraham la dzi,+  ‘Mana wò dzidzimeviwo nasɔ gbɔ abe dziƒoɣletiviwo ene,+ eye matsɔ anyigba siawo katã ana wò dzidzimeviwo;+ eye anyigbadzidukɔwo katã axɔ yayra to wò dzidzimeviwo dzi,’+  elabena Abraham ɖo to nye gbe, eye wòyi edzi wɔ nye didiwo, nye mɔfiamewo, nye ɖoɖowo kple nye sewo dzi.”+  Ale Isak yi edzi nɔ Gerar.+  Ne ŋutsu siwo le afi ma la bia nyae tso srɔ̃a ŋu la, egblɔna be: “Nɔvinyee.”+ Ele vɔvɔ̃m be yeagblɔ be “Srɔ̃nyee,” elabena egblɔ be: “Afi ma ŋutsuwo ava wum le Rebeka ta”; elabena edze tugbe.+  Le ɣeyiɣi aɖe megbe la, Filistitɔwo ƒe fia Abimelek nɔ nu kpɔm to fesre nu, eye wòkpɔ be Isak ye nye ema le fefem kple srɔ̃a Rebeka lɔlɔ̃tɔe.+  Enumake Abimelek yɔ Isak gblɔ nɛ be: “Srɔ̃wòe wònye tso! Ke nu ka tae nègblɔ be: ‘Nɔvinyee’?” Isak gblɔ nɛ be: “Megblɔe nenema, elabena mele vɔvɔ̃m be woava wum le eta.”+ 10  Ke Abimelek gblɔ be: “Nu kae nye esi nèwɔ ɖe mía ŋu?+ Anye ne nye ameawo dometɔ ɖeka ate ŋu ade asi srɔ̃wòa ŋu bɔbɔe; eye àna míaɖi fɔ!”+ 11  Eye Abimelek de se na ameawo katã be: “Ame sia ame si aka asi ŋutsu sia kple srɔ̃a ŋu la, woawui!” 12  Isak ƒã nu ɖe anyigba ma dzi, eye wòkpɔ nu si wòƒã la ƒe teƒe alafa ɖeka le ƒe ma me, elabena Yehowa yrae.+ 13  Ale ŋutsu la va zu kesinɔtɔ, eye nuwo nɔ edzi dzem nɛ va se ɖe esime wòzu kesinɔtɔ gã aɖe. 14  Alẽhawo kple nyihawo kpakple subɔviwo ƒe ha gã aɖe va su esi,+ eye Filistitɔwo va nɔ ŋu biãmee. 15  Eya ta Filistitɔwo lɔ ke tsɔ xe vudo siwo katã fofoa ƒe subɔviwo ɖe le Abraham ŋɔli la keŋ.+ 16  Abimelek gblɔ na Isak be: “Dzo le míaƒe nutoa me, elabena èva kpɔ ŋusẽ geɖe wu mí.” 17  Eya ta Isak dzo le afi ma, eye wòyi ɖatu eƒe agbadɔ ɖe Gerar Bali+ la me henɔ afi ma. 18  Eye Isak gbugbɔ vudo siwo woɖe le fofoa Abraham ŋɔli siwo Filistitɔwo va xe le Abraham ƒe ku megbe+ la ɖe, eye wògbugbɔ ŋkɔ siwo fofoa na wo la tsɔ na wo.+ 19  Esi Isak ƒe subɔviwo nɔ bali la me kum la, wova ke ɖe vudo aɖe si me tsi nyui le ŋu. 20  Eye Gerar lãkplɔviwo de asi dzrewɔwɔ me kple Isak ƒe lãkplɔviwo hegblɔ be: “Mía tɔe vudo sia nye!” Eya ta ena ŋkɔ vudo la be Esek,* elabena wowɔ dzre kplii. 21  Eye wogadze vudo bubu ɖeɖe gɔme, ke wogade asi dzrewɔwɔ me ɖe eya hã ta. Eya ta ena ŋkɔe be Sitna.* 22  Emegbe edzo le afi ma yi ɖaɖe vudo bubu, gake womewɔ dzre ɖe ema ya ta o. Ale wòna ŋkɔe be Rehobot* hegblɔ be: “Elabena Yehowa na teƒe gã aɖe mí, eye wòna míesɔ gbɔ ɖe anyigba la dzi.”+ 23  Emegbe edzo le afi ma yi Beer-Seba.+ 24  Yehowa ɖe eɖokui fiae le zã ma me gblɔ be: “Nyee nye fofowò Abraham ƒe Mawu.+ Mègavɔ̃ o,+ elabena meli kpli wò, mayra wò eye mana wò dzidzimeviwo nasɔ gbɔ le nye subɔla Abraham ta.”+ 25  Eya ta eɖi vɔsamlekpui ɖe afi ma heyɔ Yehowa ŋkɔ.+ Eye Isak tu eƒe agbadɔ ɖe afi ma,+ eye eƒe subɔviwo ɖe vudo ɖe afi ma. 26  Emegbe Abimelek tso Gerar va egbɔ, eya kple eƒe aɖaŋuɖola Ahuzat kpakple eƒe aʋafia Pikol.+ 27  Eye Isak gblɔ na wo be: “Esi mielé fum, eye mienyam le miaƒe nutoa me ɖe, nu ka tae mieva gbɔnye?” 28  Woɖo eŋu nɛ be: “Míekpɔe dze sii be Yehowa li kpli wò.+ Eya ta ‘Míeɖe kuku, na míaka atam na mía nɔewo, ne míabla nu kpli wò,+ 29  be màwɔ vɔ̃ aɖeke mí o, abe ale si ko míawo hã míewɔ nu vevi aɖeke wò o, ke boŋ míewɔ nyui ɖeɖe sɔŋ na wò hedo mɔ wò le ŋutifafa me ene. Fifia Yehowa ƒe ame yayrae nènye.’” 30  Emegbe eɖo kplɔ̃ na wo, eye woɖu nu no nu. 31  Wofɔ ŋdi kanya, eye woka atam na wo nɔewo.+ Eyome Isak do mɔ wo, eye wodzo le egbɔ le ŋutifafa me. 32  Gbe ma gbe la, Isak ƒe subɔviwo va gblɔ vudo si woɖe la ŋu nya nɛ+ be: “Míeke ɖe tsi ŋu!” 33  Eya ta ena ŋkɔe be Siba. Esia tae woyɔ du la be Beer-Seba+ va se ɖe egbe sia. 34  Esi Esau xɔ ƒe blaene la, eɖe Hititɔ Beeri vinyɔnu Yudit kple Hititɔ+ Elon vinyɔnu Basemat. 35  Eye nyɔnu siawo zu nuxaxa gã aɖe na Isak kple Rebeka.*+

Etenuŋɔŋlɔ

Egɔmee nye “Dzre.”
Egɔmee nye “Fɔbuame.”
Egɔmee nye “Teƒe Gãwo.”
Egɔmeɖeɖe tẽe, “wodo vevesese na Isak kple Rebeka ƒe gbɔgbɔ.”