1 Kronika 18:1-17

  • David ƒe aʋadziɖuɖuwo (1-13)

  • David ƒe dukplɔɖoɖo (14-17)

18  Le ɣeyiɣi aɖe megbe la, David si Filistitɔwo, eye wòbɔbɔ wo ɖe anyi, eye wòxɔ Gat+ kple eŋu duwo le Filistitɔwo+ si.  Eɖu Moab+ hã dzi, ale Moabtɔwo va zu David ƒe subɔviwo, eye woxea adzɔ nɛ.+  David ɖu Zoba-fia+ Hadadezer+ hã dzi le teƒe si gogo Hamat,+ esime wòdze mɔ yina be yeagakpɔ ŋusẽ ɖe Frat-tɔsisi+ la ƒe nutoa dzi.  David xɔ eƒe tasiaɖam akpe ɖeka, eye wòlé sɔdola akpe adre kple aʋawɔla afɔzɔla akpe blaeve le eƒe amewo dome.+ Eye David tso agbeka na sɔ siwo katã wotsi ɖe tasiaɖamwo ŋu la, negbe wo dometɔ alafa ɖeka koe wòsusɔ ɖi.+  Esi Siriatɔ siwo le Damasko va be yewoakpe ɖe Zoba-fia Hadadezer ŋu la, David wu ame akpe blaeve vɔ eve le Siriatɔawo dome.+  Emegbe David ɖe asrafohawo ɖo Siriatɔwo ƒe du Damasko me; eye Siriatɔwo zu David ƒe subɔviwo eye woxea adzɔ nɛ. Yehowa kpena ɖe David ŋu wòɖua dzi le afi sia afi si wòyi la.*+  Azɔ hã, David xɔ sikakpoxɔnu kotoowo le Hadadezer ƒe aʋawɔlawo si, eye wòtsɔ wo va Yerusalem.  David lɔ akɔbli geɖe ŋutɔ tso Tibhat kple Kun, siwo nye Hadadezer ƒe duwo me. Eyae Salomo tsɔ wɔ akɔbligazɔ+ la kple sɔtiawo kpakple akɔblinuawo.+  Esi Hamat-fia Tou* se be David ɖu Zoba-fia+ Hadadezer+ ƒe aʋakɔ blibo la dzi la, 10  edɔ via Hadoram* ɖe Fia David gbɔ enumake be wòabia eƒe fɔfɔme ta se, eye wòakafui le esi wòwɔ aʋa kple Hadadezer, eye wòɖu edzi ta (elabena Hadadezer wɔa aʋa kple Tou enuenu), eye wòtsɔ sikanu kple klosalonu kpakple akɔblinu vovovowo ɖe asi vɛ. 11  Fia David kɔ esiawo hã ŋu na Yehowa+ hekpe ɖe klosalo kple sika siwo wòxɔ tso dukɔwo katã me la ŋuti. Dukɔ siawoe nye: Edomtɔwo, Moabtɔwo, Amonitɔwo,+ Filistitɔwo+ kple Amalektɔwo.+ 12  Abisai,+ Zeruya vi,+ wu Edomtɔ akpe wuienyi le Dzebali+ la me. 13  Eye wòɖe asrafohawo ɖo Edom, eye Edomtɔwo katã zu David ƒe subɔviwo.+ Yehowa kpena ɖe David ŋu wòɖua dzi le afi sia afi si wòyi la.*+ 14  David ɖu fia ɖe Israel blibo la dzi,+ etsoa afia hedrɔ̃a ʋɔnu dzɔdzɔe na eƒe dukɔ blibo la.+ 15  Yoab, Zeruya vi le aʋakɔ la nu,+ eye Yehosafat,+ Ahilud vi nye nuŋlɔla, 16  Zadok, Ahitub vi kple Ahimelek, Abiatar vi nye nunɔlawo, eye Savsa nye agbalẽŋlɔla. 17  Benaya, Yehoyada vi, le Keretitɔwo+ kple Peletitɔwo+ nu. Eye David viwoe nye fiaŋumewo ƒe tatɔwo.

Etenuŋɔŋlɔ

Alo, “Yehowa xɔna na David le afi sia afi si wòyina.”
Ame sia kee woyɔ le 2Sa 8:9, 10 be “Toi.”
Ame sia kee woyɔ le 2Sa 8:10 be “Yoram.”
Alo, “Yehowa xɔna na David le afi sia afi si wòyina.”