Psalmowo 62:1-12
Na henɔ la; Yedutun.* David ƒe ha.
62 Nyateƒee, mezi kpi* kpoo le Mawu sinu kpɔm.
Eya gbɔe nye xɔname tsona.+
2 Nyateƒee, eyae nye nye agakpe, nye xɔnametɔ, nye mɔ́ sesẽ,+Eya ta nyemaʋã akpa o.+
3 Va se ɖe ɣekaɣie mianɔ ame ɖeka dzi dzem, be yewoawui?+
Mi katã vɔvɔ̃ le mia ŋu abe gli si tre azã ene, abe glikpɔ si le mumum ene.*
4 Elabena wode adaŋu ne woamui aƒu anyi tso eƒe ɖoƒe kɔkɔ la;Alakpadada vivia wo nu.
Wotsɔa woƒe nu yraa ame, evɔ wodoa ɖiŋu na ame le dzi me.+ (Sela)
5 Nyateƒee, mezi kpi kpoo le Mawu sinu kpɔm,*+Elabena eya gbɔe nye mɔkpɔkpɔ tsona.+
6 Nyateƒee, eyae nye nye agakpe, nye xɔnametɔ, nye mɔ́ sesẽ,Eya ta nyemaʋã gbeɖe o.+
7 Mawu gbɔe nye xɔname kple nye bubu atso.
Mawue nye nye agakpe kple nye sitsoƒe.+
8 Oo mi dukɔwo, miɖo dzi ɖe eŋu ɣeawokatãɣi.
Mitrɔ miaƒe dzi ƒo ɖe eŋkume.+
Mawue nye míaƒe sitsoƒe.+ (Sela)
9 Ƒuƒu koe amegbetɔviwo nye,Amegbetɔƒomea nye sitsoƒe dzodzrowo.+
Ne woda wo katã le nudanu me la, wole wodzoe wu ƒuƒu.+
10 Migaɖo ŋu ɖe ametafatafa ŋu oAlo ada miaƒe mɔkpɔkpɔ ɖe adzodada dzi o.
Ne miaƒe kesinɔnu dzi ɖe edzi la, migaɖo dzi ɖe eŋu o.+
11 Mawu ƒo nu zi ɖeka, zi evee mese nya sia:
Be Mawu tɔe nye ŋusẽ.+
12 Azɔ hã, Oo Yehowa, wò lɔlɔ̃ nu metsina o,+Elabena èɖoa eteƒe na ame sia ame ɖe eƒe nuwɔnawo nu.+
Etenuŋɔŋlɔ
^ Kpɔ Nya Tɔxɛwo Gɔmeɖeƒea.
^ Alo, “nye luʋɔ zi kpi.”
^ Agate ŋu afia, “Mi katã mianɔ abe gli si viã ene, abe glikpɔ si le mumum la ene.”
^ Alo, “Oo luʋɔnye, zi kpi kpoo nàkpɔ Mawu sinu.”
