Psalmowo 39:1-13
Na henɔ la; Yedutun.*+ David ƒe ha.
39 Mebe: “Malé ŋku ɖe nye zɔzɔme ŋu,Be nyemawɔ nu vɔ̃ kple nye aɖe o.+
Made ga nye nu,+Zi ale si ame vɔ̃ɖi la le ŋkunyeme.”
2 Ðoɖoe zi le nunye klenee;+Mezi ɖoɖoe le nya nyui gɔ̃ hã ŋu,Ke hã nye vevesesewo nu sẽ ɖe edzi.
3 Nye dzi ʋu dzo le dɔ me nam.
Zi ale si mele eŋu bum la,* zi nenemae wògaʋua dzo ɖe edzii.
Azɔ meke nu gblɔ be:
4 “Oo Yehowa, na manya nye nuwuwu,Kple nye agbemeŋkekewo ƒe didime,+Ne manya ale si nye agbe le kpuie.*
5 Ɛ̃, èwɔ nye ŋkekewo wole ʋɛe;*+Eye nye agbenɔƒewo menye naneke le ŋkuwòme o.+
Vavãe, ne edze abe ɖe amegbetɔ li ke ene hã la, ƒuƒu ko wònye.+ (Sela)
6 Vavãe, amegbetɔ le yiyim abe vɔvɔli ene.
Ele dagbadagbam dzodzro.
Eli kɔ kesinɔnuwo ɖi gleglegle, evɔ menya ame ka si me woava yi o.+
7 Ke azɔ Oo Yehowa, nu kae mele mɔ kpɔm na?
Wò ɖeɖe koe mele mɔ kpɔm na.
8 Ðem tso nye dzidadawo katã me.+
Mègana mazu alɔmeɖenu na bometsila o.
9 Mezi ɖoɖoe;Nyemete ŋu ke nu o,+Elabena gbɔwòe esia tso.+
10 Ðe xaxa si nèna wòva dzinye la ɖa.
Nu te ŋunye belibeli, elabena wò asi le dzinye.
11 Ètsɔ tohehe ɖɔ ame ɖo le eƒe vodada ta;+Eye nègblẽ eƒe nu nyuiwo dome abe agbagblaʋui ye ɖui ene.
Vavãe, ƒuƒu ko amegbetɔwo katã nye.+ (Sela)
12 Oo Yehowa, se nye gbedodoɖa,Eye nàƒu to anyi ɖe nye ɣlidodo ŋu.+
Mègaɖe ŋku ɖa le nye aɖatsiwo ŋu o.
Elabena amedzro ko menye na wò,+Eye ɖe metso eme va yina,* abe tɔgbuinyewo katã ko ene.+
13 Ðe ŋku ɖa le ŋunye, ne makpɔ dzidzɔ vie,Hafi nunye nayi, eye nyemaganɔ anyi o.”
