Lododowo 31:1-31
31 Fia Lemuel ƒe nyawo, nya vevi siwo dadaa tsɔ xlɔ̃ nui lae nye esi:+
2 Oo vinye, nya kae magblɔ na wò,Oo nye dɔmevi, nya ka gblɔ gee mala,Oo nye adzɔgbeɖevi, nya kae le asinye na wò?+
3 Mègatsɔ wò ŋusẽ na nyɔnuwo o,+Eye mègawɔ nu siwo gblẽa fiawo dome o.+
4 Oo Lemuel, menye fiawo ƒe dɔ o,Menye fiawo ƒe dɔ be woano wain o,Eye menyo be dziɖulawo nagblɔ be, “Nye aha ɖe?” o,+
5 Ne woagano aha ahaŋlɔ se la be,Eye woatrɔ gbo ame tsɛwo ƒe nya o.
6 Tsɔ aha muame na ame siwo le tsɔtsrɔ̃m,+Kple wain na ame* siwo le nu xam.+
7 Na woanoe, ne woaŋlɔ woƒe ahedada be;Ne woagaɖo ŋku woƒe xaxa dzi o.
8 Ƒo nu ɖe ame siwo mate ŋu aɖe wo ɖokuiwo nu o la nu;Eye nàʋli ame siwo katã le tsɔtsrɔ̃m la ta.+
9 Ke nu nàdrɔ̃ ʋɔnu dzɔdzɔe;Xɔ nya ɖe wɔnamanɔŋutɔwo kple ame dahewo nu.+
א [Alef]
10 Ame kae akpɔ srɔ̃nyɔnu zazɛ̃?*+
Exɔ asi wu adzagba.*
ב [Bet]
11 Srɔ̃a ɖoa dzi ɖe eŋu,Eye nu vevi aɖeke mebɔnɛ o.
ג [Gimel]
12 Le eƒe agbemeŋkekewo katã me la,Ewɔa nyui na srɔ̃a ŋutsu, ke menye vɔ̃ o.
ד [Dalet]
13 Edia alẽfuvɔ kple aklala;Eye wòtsɔa eƒe asiwo wɔa dɔ kple dzidzɔ.+
ה [He]
14 Ele abe asitsalawo ƒe asiʋu ene;+Eye wòhea eƒe nuɖuɖu tsoa didiƒe ke vaa aƒee.
ו [Waw]
15 Efɔna ne ŋu mekpɔ ke vɔ o,Eye wònaa nuɖuɖu eƒemetɔwo;Enaa eƒe dɔlanyɔnuwo hã tɔ gome wo.+
ז [Zayin]
16 Ebua tame le agble ŋu, eye wòƒlenɛ;Ekua kutri dea waingble.*
ח [Het]
17 Edzrana ɖo ɖe dɔ sesẽ wɔwɔ ŋu,*+Eye wòdoa ŋusẽ eƒe alɔwo.
ט [Tet]
18 Ekpɔnɛ be yeƒe asitsatsa le vi ɖem;Eƒe akaɖi metsina le zã me o.
י [Yod]
19 Ðetifutreti le eƒe asi me,Eye wòtsɔa eƒe asi léa ɖetitrekeke.+
כ [Kaf]
20 Edoa eƒe asi ɖe wɔnamanɔŋutɔwo,Eye wòʋua eƒe asi me na ame dahewo.+
ל [Lamed]
21 Mevɔ̃na ɖe eƒe aƒemetɔwo nu le vuvɔ* ta o,Elabena eƒe aƒemetɔwo katã do awu titriwo.*
מ [Mem]
22 Elɔ̃a abadzivɔwo na eɖokui.
Eƒe nudodo nye aklala biɖibiɖi kple alẽfuwu aɖabɛ dzĩtɔ.
נ [Nun]
23 Wonya srɔ̃a nyuie le dugbo la nu,+Afi si wòbɔbɔ nɔ anyi ɖe dumemetsitsiwo dome le.
ס [Samek]
24 Etɔa aklalawuwo* dzrana,Eye asitsalawo xɔa alidziblanu tso egbɔ.
ע [Ayin]
25 Ŋusẽ kple atsyɔ̃e nye eƒe avɔ,Eye kakaɖedzi nɔa esi ɖe etsɔ si gbɔna ŋu.*
פ [Pe]
26 Ekea eƒe nu le nunya me;+Eye dɔmenyo ƒe se* le eƒe aɖe dzi.
צ [Tsade]
27 Eléa ŋku ɖe eƒe aƒemetɔwo ƒe nuwɔnawo ŋu nyuie,Eye meɖua kuviabolo o.+
ק [Kof]
28 Viawo tsona heyɔnɛ be dzidzɔtɔ;Srɔ̃a tsona hekafunɛ.
ר [Res]
29 Nyɔnu zazɛ̃* geɖewo li,Ke wò la, èƒo wo katã ta.
ש [Sin]
30 Nyonyo la, beblee, eye tugbedzedze hã nu yina kaba,*+Ke nyɔnu si vɔ̃a Yehowa la, eyae woakafu.+
ת [Taw]
31 Mitsɔ nu si wòwɔ ƒe fetu nɛ,*+Eye eƒe dɔwɔwɔwo nekafui le dua ƒe agbowo nu.+
Etenuŋɔŋlɔ
^ Alo, “luʋɔ.”
^ Alo, “srɔ̃nyɔnu nyui.”
^ Kpɔ Nya Tɔxɛwo Gɔmeɖeƒea.
^ Alo, “Etsɔa eƒe viɖekpɔkpɔwo dea waingble.” Egɔmeɖeɖe tẽe, “Etsɔa eƒe asiwo me kutsetse dea waingble.”
^ Egɔmeɖeɖe tẽe, “Etsɔa ŋusẽ blaa ali dzi.”
^ Alo, “sno.”
^ Egɔmeɖeɖe tẽe, “do awu ɖe awu dzi.”
^ Alo, “awutewuiwo.”
^ Alo, “Eye ŋkeke si gbɔna ɖia kokoe nɛ.”
^ Alo, “nufiame si me lɔlɔ̃ le; lɔlɔ̃ vavã ƒe se.”
^ Alo, “Nyɔnu nyui.”
^ Alo, “tugbedzedze hã dzodzroe.”
^ Egɔmeɖeɖe tẽe, “Mitsɔ eƒe asiwo me kutsetse nɛ.”
