Taga a kɔnɔkow lajɛ

Taga a kɔnɔnakow lajɛ

Kibaro Diiman min bɔra Ala yɔrɔ

Kibaro juman lo bɔra Ala yɔrɔ? Mun na kɔrɔtɔ b’a la ka kibaro diiman lamɛn bi? Mɔgɔw fanba ka teli ka ɲiningali minw kɛ, u jaabiliw be sɔrɔ kitabu nin kɔnɔ. O jaabiliw basiginin be Bibulu kan.

I be se ka nafa sɔrɔ sɛbɛ nin na cogo min na

Sɛbɛ nin bena i dɛmɛ ka lɔnniya sɔrɔ Ala ka Kuma yɛrɛyɛrɛ kɔnɔ o min ye Bibulu ye. A filɛ i be se ka vɛrisew sɔrɔ cogo min na i ka Bibulu kɔnɔ.

Kibaro diiman juman lo?

A ɲini k’a lɔn kibaro min bɔra Ala yɔrɔ, fɛɛn min kama kɔrɔtɔ b’a la k’a lamɛn ani i ka kan ka min kɛ.

Ala ye jɔn lo ye?

Tɔgɔ be Ala la wa ani yala a b’a janto an na wa?

Yala kibaro diiman nin bɔra Ala yɔrɔ tiɲɛn na wa?

Bibulu be min fɔ, an be se k’a lɔn cogo di k’o ye tiɲɛn ye?

Yezu Krista ye jɔn lo ye

Mun na Yezu sara? Kunmabɔsara ye mun lo ye, ani Yezu be mun lo kɛra sisan? A ɲini k’o ɲiningaliw ka jaabili lɔn.

Ala sagonata ye mun lo ye dugukolo koo la?

Bibulu b’a ɲɛfɔ fɛɛn min kama Ala ye dugukolo dan, tɔɔrɔw bena ban tuma min na, dugukolo bena kɛ min ye sini ma ani adamadenw ka siniɲasigi bena kɛ min ye o tuma na.

Mɔgɔ saninw be ni jigiya juman lo ye?

N’an sara, an be ni jigiya juman ye? An ka mɔgɔ sɔbɛ minw sara, an bena u ye tugun loon dɔ wa?

Ala ka Masaya ye mun lo ye?

Jɔn lo ye Ala ka Masaya Masacɛ ye? O Masaya bena mun lo kɛ?

Mun na Ala b’a to kojugu ni tɔɔrɔkow ka kɛ?

Kojugu daminɛna cogo di, ani mun na Ala y’a to kojugu ka kɛ fɔɔ ka na se bi ma? Tɔɔrɔ bena ban loon dɔ wa?

I ka denbaya be se ka hɛɛrɛ sɔrɔ cogo di?

Jehova ye hɛɛrɛtigi Ala ye. A b’a fɛ denbayaw ka kɛ hɛɛrɛ la. Bibulu be ladili nafamanw di furucɛw, furumusow, bangebagaw ani denmisɛnw ma. A ɲini k’o ladiliw lɔn.

I be se ka tiɲɛn diinan faranfasi k’a lɔn cogo di?

Yala diinan kelen dɔrɔn lo ye tiɲɛn ye wa? Fɛɛn looru nunu lajɛ walisa ka tiɲɛn diinan faranfasi k’a lɔn.

Nafa juman be Bibulu ka sariyaw la?

Yezu y’a ɲɛfɔ fɛɛn min kama an mako b’a la Ala k’an ɲɛminɛ. A fana y’a ɲɛfɔ Bibulu ka cikan fila minw ka bon ka tɛmɛ tɔɔw bɛɛ kan.

I be se k’i magwɛrɛ Ala la cogo di?

Ala be deliliw bɛɛ lamɛn wa? An ka kan ka Ala deli cogo di? An be se ka koo wɛrɛ juman kɛ k’an magwɛrɛ Ala la? A ɲini k’o ɲiningaliw ka jaabiliw lɔn.

Mun lo bena diinanw sɔrɔ?

Yala mɔgɔw bɛɛ bena tiɲɛn Ala kelenpe bato kelenya la loon dɔ wa?

Mun na Ala be ni jɛnkulu tigitigi dɔ ye?

Cogo juman na kerecɛn sɔbɛw labɛnnin lo ka kɛ jɛnkulu kelen ye ani mun na do? Bibulu b’o ɲɛfɔ.

Mun na i ka kan ka taga ɲɛ n’i ka kalan ye?

I ye lɔnniya min sɔrɔ Ala koo la ani Ala ka Kuma koo la, o be se ka tɔɔw nafa cogo di? I bena se ka jɛnɲɔgɔnya juman kɛ ni Ala ye?