LADILI DƆW, KALAN KAMA
An be se ka Bibulu ka talen kumaw faamu cogo di?
Talen kuma caaman lo be sɔrɔ Bibulu kɔnɔ. Nga a ma nɔgɔ mɔgɔ caaman fɛ k’u faamu (Mat. 13:13). O la, mun lo be se k’i dɛmɛ k’o talen kumaw faamu koɲuman? Koo nunu kɛ k’a filɛ:
-
A ɲini k’a lɔn u be kumana fɛɛn min koo la ani u y’a suma ni min ye. Misali la, Yirali 3:3 kɔnɔ, Yezu y’a fɔ ko ale bena na i ko soon. O vɛrise kɔnɔ, u be kumana Yezu nali koo la ani u y’o suma ni soon nali ye.
-
U be kumana min koo la ani u y’o suma ni min ye, a ɲini k’a lɔn jɛɛn min b’o fila cɛ. Miiri k’a filɛ fɛɛn min kama u y’o suma ni ɲɔgɔn ye.
-
A ɲini k’a lɔn n’i ye koow faamu ka ɲɛ. Tuma dɔw la, an be se n’an m’a faamu fɛɛn min kama u y’o fɛɛn fila suma ni ɲɔgɔn ye. Misali la, talen kuma min kofɔra Yirali 3:3 kɔnɔ, o kɔrɔ tɛ ko Yezu be nana fɛɛn dɔ sonya. Nga a kɔrɔ le ye ko Yezu bena na bari mɔgɔw la i n’a fɔ soon be bari mɔgɔw la cogo min na.
