Taga a kɔnɔkow lajɛ

Taga a kɔnɔnakow lajɛ

 KERECƐNW KA ƝƐNAMAYA

Baara ɲumanw, Jehova tɛna ɲinɛ minw kɔ fewu

Baara ɲumanw, Jehova tɛna ɲinɛ minw kɔ fewu

Sababu dira Jehova sagokɛlaw bɛɛ ma ka koo dɔw kɛ Jehova tɛna ɲinɛ minw kɔ fewu. Bangebaga min b’a deen kanu, a tɛna ɲinɛ a deen ka koo ɲuman kɛninw kɔ abada. O cogo kelen na, an be koo ɲuman minw kɛ ani an be ni kanuya min ye Jehova tɔgɔ koo la, a tɛna ɲinɛ o kɔ (Mat. 6:20; Eburuw 6:10). Tiɲɛn lo ko an seko n’an ka koow cogoya tɛ kelen ye. Nka, n’an b’an seko bɛɛ kɛ Jehova ka baara la, an be ninsɔndiya sɔrɔ o la (Gal. 6:4; Kɔlɔs. 3:23). Kabi saan caaman, balima waa caaman ye baara kɛ Betɛli la. Yala i be se k’i yɛrɛ di ka baara kɛ Betɛli la wa? N’i tɛ se, yala i be se ka mɔgɔ wɛrɛ jija a k’o kɛ wala ka betɛliden dɔ dɛmɛ walisa a ka to o kudayi cidenya baara la wa?

VIDEWO NIN FILƐ: I YƐRƐ DI KA BAARA KƐ BETƐLI LA. O KƆ, ƝININGALI NUNU JAABI:

  • Mun lo ka ɲi ka mɔgɔ lasun ka taga baara kɛ Betɛli la?

  • Balima dɔw y’a fɔ ko u ye duga jumanw lo sɔrɔ u kɛtɔ ka baara kɛ Betɛli la?

  • Mɔgɔ ka ɲi ka sarati jumanw lo dafa walisa ka baara kɛ Betɛli la?

  • I be se ka demandi kɛ cogo di walisa ka baara kɛ Betɛli la?