Taga a kɔnɔkow lajɛ

Taga a kɔnɔnakow lajɛ

 KERECƐNW KA ƝƐNAMAYA

Kanbelew ni sunguruw: Aw ka kisɛya ‘koo ɲuman sifa bɛɛ kɛli’ la

Kanbelew ni sunguruw: Aw ka kisɛya ‘koo ɲuman sifa bɛɛ kɛli’ la

Ciden Pol ye lɛtɛrɛ min ci Titi ma, a y’a fɔ o kɔnɔ ko kanbelew ni sunguruw ani Titi yɛrɛ fana ka ɲi k’u seko bɛɛ kɛ ka kɛ ɲɛyirali ɲumanw ye koo bɛɛ la (Titi 2:6, 7). O sapitiri kelen na, a y’a yira fana ko Yezu bena Jehova sagokɛlaw saniya walisa u ka kisɛya ‘koo ɲuman sifa bɛɛ kɛli’ la (Titi 2:14). O koo ɲuman dɔ ye ka waajuli kɛ ani ka mɔgɔw kalan Ala ka Masaya koo la. N’i ye kanbele wala sunguru ye, yala i be se k’i ka fanga kɛ ka kɛ piyɔniye kɔrɔsigi wala kudayi piyɔniye ye wa?—Talenw 20:29.

N’i b’a fɛ ka kɛ piyɔniye ye, labɛn ɲuman dɔw kɛ walisa i ka se ka kɛ a ye (Luka 14:28-30). Ɲɛyirali fɛ, i bena se k’i ka musakaw sara cogo di n’i be kudayi cidenya baara la? I bena se k’i ka lɛriw sɔrɔ cogo di? Jehova deli o koo la (Zab. 37:5). I ye labɛn minw sigi sen kan, o kofɔ i bangebagaw ni piyɔniye dɔw ye minw be sanga sɔrɔla u ka baara la. O kɔ, dɔ kɛ dɔ ye walisa k’i ka laɲinita dafa. I bena jijali minw kɛ o baara la, siga t’a la, Jehova bena i duga o kosɔn!

VIDEWO NIN FILƐ: KANBELEW NI SUNGURUW BE BONYA LARA JEHOVA KAN. O KƆ, ƝININGALI NUNU JAABI:

  • Kanbele ni sunguru dɔw ye see sɔrɔ gwɛlɛya jumanw lo kan walisa ka kɛ piyɔniye ye? U y’o kɛ cogo di?

  • Bangebagaw be se k’u deenw dɛmɛ cogo di ka kɛ kudayi piyɔniye ye?

  • Mun na a kɔrɔtanin lo ka porogramu dɔ kɛ waajuli baara kama?

  • Kafomɔgɔw be se ka piyɔniye dɔ jija ani k’a dɛmɛ cogo di?

  • Piyɔniyew be duga jumanw lo sɔrɔ?

N’ be se ka kɛ piyɔniye ye cogo di?