Taga a kɔnɔkow lajɛ

Taga a kɔnɔnakow lajɛ

 KERECƐNW KA ƝƐNAMAYA

A ɲini k’i ka waajuli kɛcogo fisaya: Lɛtɛrɛ ɲumanw sɛbɛcogo

A ɲini k’i ka waajuli kɛcogo fisaya: Lɛtɛrɛ ɲumanw sɛbɛcogo

MUN NA A KƆRƆTANIN LO: Ciden Pol ye lɛtɛrɛ 14 minw ci a kerecɛnɲɔgɔnw ma walisa k’u jija, Korɛntikaw ka bataki fɔlɔ y’u dɔ ye. Ni mɔgɔ dɔ be lɛtɛrɛ sɛbɛ, wagati b’a fɛ ka kumadenw sugandi koɲuman. Lɛtɛrɛ be ci mɔgɔ min ma, o tigi be se k’o kalan siɲɛ caaman fana. Lɛtɛrɛw ye fɛɛrɛ ɲuman ye k’an somɔgɔw n’an lɔnbagaw waaju. Fɛɛrɛ ɲuman lo fana ka mɔgɔ dɔw waaju an tɛ se ka minw sɔrɔ ka kuma n’u ye. Ɲɛyirali fɛ, a be se ka kɛ ko mɔgɔ dɔ b’a mako don kibaro diiman na nka a sɔrɔ man di a ka soo. A be se ka gwɛlɛya an ma ka kuma ni mɔgɔ dɔw ye sabu u be boon wala kiin min kɔnɔ, mɔgɔ tɛ se ka don yen ten. A be se ka kɛ fana ko u be yɔrɔ minw na, weleweledala si tɛ yen. An ka ɲi ka mun lo to an hakili la sanko n’an be lɛtɛrɛ sɛbɛra o ɲɔgɔnna mɔgɔw ma?

A KƐCOGO:

  • I tun bena min fɔ a tigi ye n’i tun b’a ɲɛfɛ, o fɔ. A daminɛ k’i tɔgɔ fɔ a ye ani a fɔ a ye fɛɛn min kama i ye lɛtɛrɛ ci a ma. I be se ka ɲiningali dɔ kɛ a ye walisa a ka miiri o la ani i be se k’a ɲɛsin an ka site web ma. O kɔ, a fɔ a ye ko an be bibulukalan kɛ ni mɔgɔw ye u ka soo wala an ka kalankɛ gafe dɔ barokun dɔ fɔ a ye. I be se k’an ka sɛbɛ dɔ fara lɛtɛrɛ kan k’a ci a ma. O be se ka kɛ jw.org ladɛrɛsi sɛbɛ ye, welelisɛbɛ wala sɛbɛnin dɔ ye.

  • Kana kuma caaman. I ka lɛtɛrɛ man ɲi ka janya kojugu, n’o tɛ i b’a cira mɔgɔ min ma, o tigi be se ka sɛgɛn a kalan na.—Lɛtɛrɛ sɛbɛcogo modɛli lajɛ.

  • A sɛbɛnin kɔ, segi k’a kalan ka filɛ ni fili dɔw t’a la, ni kumadenw bɛnnin lo ani n’u kalan ka nɔgɔ. I janto ko i kumana nɛmɛnɛmɛ, cogo diiman na ani teriya la. I janto fana ko i ye tɛnburuw nɔrɔ anvelɔpu kan.