Taga a kɔnɔkow lajɛ

Taga a kɔnɔnakow lajɛ

Maana 115nan: Alijɛnɛ kura dugukolo kan

Maana 115nan: Alijɛnɛ kura dugukolo kan

YIRI jamanjan nunu filɛ, ani filɛru ɲumanw ni kulu jamanjanw fana. Yɔrɔ nin cɛ ka ɲi dɛ, tiɲɛn tɛ? Kongosogo nin filɛ a be dumuni kɛra cɛdennin bolo kɔnɔ. Jaraw lanin filɛ, ani olu kɔfɛ soow be biin ɲimina. A tɛna diya i ye ka ɲɛnamaya kɛ yɔrɔ cɛɲumanba nin ɲɔgɔn kɔnɔ wa?

Ala b’a fɛ i ka ɲɛnamaya kɛ kudayi alijɛnɛ kɔnɔ dugukolo kan. Dimi ni tɔɔrɔ minw be mɔgɔw kan bi a t’a fɛ u si ka kɛ i la. Mɔgɔ minw bena sigi alijɛnɛ kɔnɔ, Bibulu ka layidu nin ɲɛsinna u ma ko: ‘Ala bena to u cɛma. Mɔgɔ tɛna sa, mɔgɔ tɛna kasi, mɔgɔ tɛna tɔɔrɔ tugun. Koo kɔrɔw bɛɛ tununa bugubugu.’

O yɛlɛmani kabakoman bena kɛ Yezu sababu lo fɛ. A bena o kɛ tuma juman? A bena o kɛ juguya ni mɔgɔ juguw bɛɛ bɔnin kɔ dugukolo kan. Kana ɲinɛ ko tuma min na Yezu tun be dugukolo kan, a ye banabagatɔ sifaw bɛɛ kɛnɛya ani ka suuw yɛrɛ lakunu. A y’o kɛ k’a yira a bena min kɛ dugukolo kuru bɛɛ kan tuma min na a bena kɛ Ala ka Masaya kuntigi ye.

Miiri k’a filɛ ɲɛnamaya bena diya cogo min na alijɛnɛ kura kɔnɔ dugukolo kan! Yezu ye mɔgɔ minw sugandi, ale ni olu bena kuntigiya kɛ k’u to sankolo la. O kuntigiw bena u janto mɔgɔw bɛɛ la dugukolo kan walisa u ka to hɛɛrɛ la. Sisan, an k’a filɛ an ka kan ka min kɛ walisa Ala ka ɲɛnamaya banbali di an ma a ka alijɛnɛ kura kɔnɔ.

Yirali 21:3, 4; 5:9, 10; 14:1-3.

Alijɛnɛ bisigi


Ɲiningaliw

  • Bibulu b’a yira ko an bena ɲɛnamaya kɛ cogo di alijɛnɛ kɔnɔ dugukolo kan?
  • Mɔgɔ minw bena sigi alijɛnɛ kɔnɔ, Bibulu ka layidu juman ɲɛsinna u ma?
  • Yezu bena o yɛlɛmani kabakoman kɛ tuma juman?
  • Tuma min na Yezu tun be dugukolo kan, a ye mun lo kɛ k’a yira a bena min dafa ni a nana kɛ Ala ka Masaya kuntigi ye?
  • Yezu n’a ka masaɲɔgɔnw bena u janto mun lo la tuma min na u bena to sankolo la ka dugukolo mara?

Ɲiningali wɛrɛw

  • Yirali 5:9, 10 kalan.

    Mun na an be se ka la a la ko minw bena kuntigiya kɛ dugukolo kan saan waa kelen mara wagati la, u bena kɛ masaw ni sarakalasebaga makaritigi hinɛmanw ye? (Efɛz. 4:20-24; 1 Piyɛri 1:7; 3:8; 5:6-10)

  • Yirali 14:1-3 kalan.

    Faa ni sagaden tɔgɔw sɛbɛra mɔgɔ 144 000 teenw na, o kɔrɔ ko di? (1 Kor. 3:23; 2 Tim. 2:19; Yir. 3:12)