Di jamaanaay yati Noe kakaanemi wajakut kufaŋe man kujupoe. Genèse 6:5

Adama di Awa kubabaj kuñiil, ban bukanaku dikutooŋ kajuupo tentaam. Jaalojaw baj waati yan kumaalaaka kukee kuriibene Seetaanaay.

Kumaalaaka kukila kujaalojaw tentaam ban dikuŋar siniil nen sati kúneene mambikuŋoolen kuyab kuseek. Kuseekaku kukila kubabaj kukambaani kabaje sembe sáamak safaŋe sati bukanak ban futiik keb kumaŋe.

Dúniyaay ejaalojaw emeeŋ bukanak kakaanemi waaf wajakutaw. Biibley yoone májakaati mati anau mujuupojuupo tentaam ban wan awonooremi búrom di ésigirey yoola wajakut keb.

 Noe najanjam Ateemit manakaan busaanaabu báamakabu. Genèse 6:​13, 14, 18, 19, 22

Noe an ajake. Jéhovah narereg mati oo panabuj kajakutumi di elubey yáamakey.

Ateemit narereg poop Noe ajoonen busaana báamak mánanokenro famiyey yoola di poop fasoŋ yanooyan yati sínukureŋasu.

Noe narereg bukanaku mati elub yáamak panejo’ol, bare kujamutool. Bukaaku dikurenkenool ; bukaaku dikulatool.

Nan busanaabu báamakabu buparemi, Noe nakaan sínukureŋasu sinoken.