Buu kaane bukanaku ku’uñiil di kuri di Jeremi?

Jehovah napakempaken Jeremi

Nikee usankenaajaa bukanaku mati ­Jehovah di kúfaaralakolaal mbaa ­ku’uñaku kooliil dikuri di olaal. Moomu ŋooleŋŋoolen kaan manumaŋaal ekat kasanken mati Ateemit. Manteer múmus baji?​— Biibley yoonolaal mati akambaani amaŋe Jehovah bare najo­wenjow yok wayiikun panakateen kasanken mati Jehovah. Kareesool Jeremi. Uŋesaal manu­faŋaal man umanjaalool.

Nan Jeremi alakomi akambani, Jehovah naanool areg bukanaku mankukat ekaan waaf wajakut. Táanientaañi faŋ bee mati Jeremi ban nákolikoli. Naane Jehovah: ‘Ínje imanjut waa nije’e bee kasanken. Ínje añiil akambaani’. Bare Jehovah naanool: ‘Jakum úkoli. Panirambeni’.

 Jeremi natooŋ káriiŋen bukanaku mati Ateemit pan akuriil eenojaa leekukat wan kommi di ekaaney. Manteer buka­naku kukankaan wan Jeremi aregumi?— Haani. Káfaaralekool kulakoene mbaa ­ku’uñaku kooliil di kuri faŋ di oo. Bukaaku dikumaŋeen ebujool! Manteer numamanj buu nokorumi eeno di Jeremi?— Nákolikoli yok aane: ‘Let ilaañ isanken múk mati Jehovah’. Manteer moo nakaanumi faŋ?​— Haani, akaanutumo. Namaŋemmaŋ Jehovah yok aŋoolenut akat kasanken mati oo. Moo kaane ­Jehovah na pooyool.

Dibaj funak kúniine kalaapute kupinay kusof Jeremi kubeten di busun bá­sankie bameeŋe bukap. Abajut ari abajut araan. Kúniinaaku uku kumaŋenmaŋ man Jeremi aketuro. Bare Jehovah narambenooramben manapak!

Waa nuŋoolene ulikiten di Jeremi?— Haani man bajumi nan ákolie, ámusut akat kasanken mati Jehovah. Ulakojaa kasanken mati Jehovah, bukanaku kuŋoolene kúfaaraleki mbaa ku’uñaku kooliil di kuri di au. Uru ŋooleŋŋoolen kaan manupuño mbaa nu koli. Bare ja­kumukat múk kasanken mati jehovah. Panarambeni nanoonan, nen man arambenumi Jeremi.

ULIIR DI BIIBLEY YOOLI

  • Jérémie 1:​4-8; 20:​7-9; 26:​8-​19, 24; 38:6-​13