Numamanj jáii jei?​— Ée, jáiiyaju jati Ateemit. Jáiiyaju uju jijeemi beet ekaan man tentaam elako Alijana. Manteer numammaŋ efaŋ man umanje mati jáiiyaju uju?​—

Jáii janoojan jibabaj Áii. Ban áiiyau alakomi anifaan ati bukanaku kati mofamu moola. Numamanj ai ammi áiiyau ati jáiiyaju jati Ateemit?​— Oo Yéesu ­Kirista. Fatiya nakine. Lee pio panalako Áiiyau ati anooan tentaam! Di kaonooraku kooli manteer panubajaal kásuumaay naapi Yéesu alakomi Áii ati mofamu búrom?​—

Di alijana, waa nuje’e beetefaŋ manumaŋe?

Wolaal beet ebaj kásuumaay kàamak! Di alijana lee laañ baj kayeg mbaa futiik. Bukanaku pankumaŋoor. An létasumut, an letaket. Kápuumumi pankujuk, kájameriitumi pankujam, ban kaŋoole­nutumi kujow pankuŋoolen kutey di kubaal poop. Anooan furiafu panfuyajool. Ban kásuumaay pankulako di tutoraay yati sínukureŋasu di poop tuturoay yoololaal di so. Kaketumi pan kulaañ kuroŋ. Rebeka, Ra’ab, David, Eliya di kukee di bukanaku kan usankenaami di éliibrey uye koo poop pankulaañ  kuroŋ. Manteer numamanj ejukil naapi kúlaañulomi?​—

Jehovah namaŋimaŋ ban namaŋ ma­nulako di kásuumaay. Úkontinejaa kalikiten wajowumi bee di Jehovah ban nujamool, panuŋoolen uroŋ bee nanoo­nan di alijana yapincoe! Manteer moo numaŋumi?​—

ULIIR DI BIIBLEY YOOLI

  • Isaïe 2:4; 11:​6-​9; 25:8; 33:24; 35:​5, 6

  • Jean 5:​28, 29; 17:3