Ala o mambo mena me

Ala o ebambu a mongo

JOKWA 15

Ońola nje Wangame̱ne̱no̱ Benga Jokwa e?

Ońola nje Wangame̱ne̱no̱ Benga Jokwa e?

1. Nje o matombwane̱no̱ yete̱na walane̱ jokwa lo̱ngo̱ la Bibe̱l o boso e?

Esibe̱ penda, ebongolo a belēdi ba Bibe̱l o kusino̱ o nin kalati yongwane̱ wa o bata to̱ndo̱ Loba. Nin ndolo ńe nde ka mwe̱nge̱ ma muna mu be̱n ńo̱ng’a mańo̱ngo̱ ná a ńake, ońola nika e mapula ná e kuse dibongo. (1 Petro 2:2) Dipita lo̱ngo̱ la longe̱ la bwindea di se̱medi nde o mpuli mo̱ngo̱ ma bata sisea Loba be̱be̱ tongwea na jokwa l’Eyal’ao.​—Langa Yohane 17:3; Yuda 21.

Nika o makokano̱ o so̱ṅtane̱ lo̱ngo̱ la Loba, dube̱ lo̱ngo̱ pe̱ di mabata nde o be̱ ngińa. Dube̱ di me̱nde̱ o jongwane̱ wa ná o bwese̱ Loba muńe̱nge̱. (Bonahebe̱r 11:1, 6) Di me̱nde̱ tute̱le̱ wa o jate̱le̱, na tukwa mbad’ango̱ ńa longe̱ ńai o matongwe̱le̱no̱ o me̱se̱ o mabolano̱.​—Langa Bebolo 3:19.

2. Ne̱ni so̱ṅtane̱ la Loba o be̱nno̱ leno̱ ná longwane̱ bape̱pe̱ e?

Wena o be̱ne̱ mulatako ma tobotobo na Yehova

Ye̱ke̱ite̱, o me̱nde̱ o to̱ndo̱ langwea bape̱pe̱ nje yena wokono̱, ońolana biso̱ be̱se̱ je muńe̱nge̱ o langwa myango ma bwam. Nika o mabengano̱ o jokwa, o me̱nde̱ bia ne̱ni bolane̱ Bibe̱l ná o bole beteledi ba nje e tute̱le̱ wa o dube̱ Yehova na myango mao ma bwam.​—Langa Roma 10:13-15.

Jita ba mabotea nde o langwea mako̱m na mbia myango ma bwam. Be̱ muyao. O mulopo ma langwea babo̱ ná dube̱ labu le mpenga, wa mo̱ bīse̱ nde babo̱ makaki ma Loba. Nde o̱nge̱le̱ pe̱ ná bedangwedi bo̱ngo̱ be makwala buka nje e mabuse̱ wa o bepopo.​—Langa 2 Timoteo 2:24, 25.

3. Njika pat’a mulatako na Loba weno̱ ná o bwane̱ muńe̱nge̱ e?

Jokwa l’Eyal’a Loba di me̱nde̱ o jongwane̱ wa o ńaka o mudī. Ye̱ke̱ite̱, o me̱nde̱ be̱ne̱ mulatako ma tobotobo na Yehova. Wena o be̱ ńa Yehova, nika ná elongi ewo̱ ya mbia mao.​—Langa 2 Korinto 6:18.

4. Ne̱ni weno̱ ná o benga ńaka o mudī e?

Wena o ńaka o mudī tongwea na bata jokwa Eyal’a Loba. (Bonahebe̱r 5:13, 14) Baise̱ Mboṅ a Yehova po̱ ná e bolane̱ kalati Nje Bibe̱l e mokwe̱le̱no̱ biso̱ e? o jokwa na wa. Nika o mabatano̱ jokwa Eyal’a Loba, nika pe̱ nde o mabatano̱ o tongwe̱le̱ o longe̱ lo̱ngo̱.​—Langa Myenge 1:1-3; 73:27, 28.

Myango ma bwam mi mawa nde na Yehova, Loba la bonam. Wená o bata sisea mo̱ be̱be̱ ke̱ o sisedi bokwedi bao be̱be̱. (Bonahebe̱r 10:24, 25) O tiki te̱ bola miwe̱n o do̱lisane̱ Yehova, ke̱ we nde o nge’a longe̱ la mbale̱, nika ná longe̱ la bwindea. Sisea la Loba be̱be̱ le nde lambo di buki me̱se̱ weno̱ ná o bola.​—Langa 1 Timoteo 1:11; 6:19.