Ala o mambo mena me

Ne̱ni o me̱ne̱no̱ kie̱le̱ ni maye̱ e?

Ne̱ni o me̱ne̱no̱ kie̱le̱ ni maye̱ e?

Wase e me̱nde̱ . . .

  • tika be̱ nika me̱ne̱ e?

  • bata be̱ bobe e?

  • tukwa o mbad’a bwam e?

 BIBE̱L E MAKWALA NÁ

“A . . . me̱nde̱ tuta miso̱di me̱se̱ o miso̱ mabu, kwedi e si me̱nde̱ pe̱ be̱, male̱bo to̱ musea to̱ sese ba si me̱nde̱ pe̱ be̱, ebanja mambo maboso ma mátomba.”​—Bebīsedi 21:3, 4, Traduction du monde nouveau (Betukwedi ba Was’a Peńa).

NJE WENO̱ NÁ O TOMBWANE̱ KE̱ O DUBE̱ NIKA

Ebolo e be̱n janda e mabwesane̱ pe̱ muńe̱nge̱.​—Yesaya 65:​21-​23.

Su la diboa na pat’a ndutu ye̱se̱.​—Yesaya 25:8; 33:24.

Longe̱ la bwindea le bonam, mwemba na mako̱m na mbia.​—Myenge 37:​11, 29.

 JE NÁ DI DUBE̱ NJE BIBE̱L E MAKWALANO̱ NA MBALE̱ E?

E, ońola yin njo̱m iba:

  • Loba e ná a londise̱ di dikaki. O Bibe̱l, Yehova Loba mo̱me̱ne̱ mō̱ nde a mabelabe̱ ná “Ńangum,” kana a be̱nno̱ ngińa ni si be̱n elangisan. (Bebīsedi 15:3) Ońola nika a dongame̱n o londise̱ dikaki lao la tukwa wase o mbad’a bwam. Bibe̱l e makwala ná, “to̱ lambo di si membe̱le̱ Loba.”​—Mateo 19:26.

  • Loba a be̱n ńo̱ngi o londise̱ di dikaki. K’eyembilan, Yehova a “mabwa ńo̱ngi” o bola pe̱te̱ bawedi longe̱.​—Hiob 14:​14, 15.

    Bibe̱l e malee̱ pe̱ ná, Yesu, muna Loba a bo̱lise̱ bato. Ońola nje a bolino̱ nika e? Ońola ná emedi. (Marko 1:40, 41) Yesu a lee̱le̱ bede̱mo ba Sango o mbad’a ke̱nge̱nge̱ ebanja a ta a to̱ndo̱ jon­gwane̱ batakedi.​—Yohane 14:9.

    Je so̱ ná di be̱ mbaki ná Yehova na Yesu ba mapula jongwane̱ biso̱ ná di bwane̱ kie̱le̱ ni maye̱ ńe bonam mu­ńe̱nge̱!​—Myenge 72:​12-​14; 145:16; 2 Petro 3:9.

 MUEDI OŃOLA DUTEA

Ne̱ni Loba a me̱nde̱no̱ tukwa wase o mbad’a bwam e?

Bibe̱l e mabola jalabe̱ la mu muedi o MATEO 6:​9, 10 na DANIEL 2:​44.