Ala o mambo mena me

Ndenge̱ e me̱nde̱ bo̱ buńa bō̱ e?

Ndenge̱ e me̱nde̱ bo̱ buńa bō̱ e?

We na o kwala ná . . .

  • e e?

  • ke̱m e?

  • yen ebe e?

 BIBE̱L E MAKWALA NÁ

“Loba . . . a me̱nde̱ tuta miso̱di o miso̱ mabu; kwedi e si me̱nde̱ pe̱ be̱, male̱bo to̱ misea to̱ sese.”Bebīsedi 21:3, 4, Contemporary English Version (Betukwedi ba Inglisi ńa We̱nge̱).

NJE WENO̱ NÁ O TOMBWANE̱ KE̱ O DUBE̱ NIKA

Mbaki ná Loba a titi njo̱m a ndutu i mako̱ye̱ biso̱.Yakobo 1:13.

Lo̱ko̱mea o bia ná Loba a mabwa ndutu ke̱ di makusa ndenge̱.Sakaria 2:8.

Dipita ná ndenge̱ ye̱se̱ i me̱nde̱ bo̱.Myenge 37:9-11.

 JE NÁ DI DUBE̱ NJE BIBE̱L E MAKWALANO̱ NA MBALE̱ E?

E, ońola yin njo̱m iba:

  • Loba a singe̱ ndenge̱ na ka ni si te̱m na sim. Dutea te̱ ne̱ni Yehova Loba a sengino̱ ke̱, tumba lao o mińa Bibe̱l e tilabe̱no̱, di matakisabe̱ na njo. Bibe̱l e makwala ná a ta a bwa ndutu ońola sunjumea labu oboso ba “ba bená ba ta ba takise̱ babo̱.”Bakaisedi 2:18, Traduction du monde nouveau (Betukwedi ba Was’a Peńa).

    Loba a si to̱ndi bato bena ba masengise̱ bane̱ sese. Bibe̱l e makwala ná a singe̱ “mā mena ma makome̱ maya”.Minia 6:16, 17.

  • Loba a mombwea mō̱ ńasu te̱. Seto̱ bukate̱ bato ba benama nde ba “membe̱ bobe ba mulema mabu na ndeng’abu” Yehova pe̱ a bi mo̱!2 Myango 6:29, 30.

    Tongwea na Janea lao, Yehova a mabo̱le̱ ndeng’a moto te̱ son a ponda. (Mateo 6:9, 10) Obiana ni ponda, a malo̱ko̱ ba bena ba mapulise̱ mo̱ na iwiye̱.Bebolo 17:27; 2 Korinto 1:3, 4.

 MUEDI OŃOLA DUTEA

Ońola nje Loba a mese̱le̱no̱ ná ndenge̱ e be̱ e?

Bibe̱l e mabola jalabe̱ la mu muedi o  ROMA 5:12 na 2 PETRO 3:9.