Ala o mambo mena me

Ala o ebambu a mongo

O me̱nde̱ so̱ o bola jemea la Yehova e?

O me̱nde̱ so̱ o bola jemea la Yehova e?

Di som ońola ná o no̱ngi ponda o jokwa nun muna kalati, ná o ko̱lo̱ngo̱ne̱ biso̱, bebolo basu, na bebokedi basu. Di mo̱nge̱le̱ ná nika ńongwane̱ wa ná o so̱ṅtane̱ ná je nde ba bena ba mabole̱ Jemea la Yehova we̱nge̱. Di mome̱le̱ wa ná o bate jokwa bia Loba, o langweye pe̱ mbia mo̱ngo̱ na mako̱m mo̱ngo̱ nje o mokwano̱. Di mome̱le̱ pe̱ ná wukeye o ndongame̱n ye̱se̱.​—Bonahebe̱r 10:23-25.

O me̱nde̱ je̱ne̱ ná, nika o mabatano̱ jokwa jombwea Yehova, nika pe̱ nde o me̱ne̱no̱ nate̱na njika dime̱ne̱ a to̱ndino̱ wa. Nika e matute̱le̱ wa ná, o bole me̱se̱ o lee̱le̱ ná o to̱ndi mo̱. (1 Yohane 4:8-10, 19) Tatan so̱, ne̱ni weno̱ ná o lee̱le̱ o longe̱ lo̱ngo̱ ná o to̱ndi mo̱ e? Ońola nje weno̱ ná o tombwane̱ yete̱ná o bupe̱ bete̱sedi bao e? Nje e me̱nde̱ bole̱ wa ńo̱ngi ná o bole Jemea la Loba mwemba na biso̱ e? Mutombise̱ wa jokwa a me̱nde̱ be̱ muńe̱nge̱ o jongwane̱ wa o so̱ malabe̱ ná wa na mbia mo̱ngo̱ lo je “o ndol’a Loba, . . .ońola longe̱ la bwindea.”​—Yuda 21.

Benga ńaka o nge’a mbale̱ tongwea na jokwa nin kalati ni bupe̱ “Bińo̱ ja o ndol’a Loba”.