Ala o mambo mena me

Ala o ebambu a mongo

 JOKWA 1

Loba a mabele̱ wa ná o be̱ diko̱m lao

Loba a mabele̱ wa ná o be̱ diko̱m lao

Loba a mapula ná o be̱ diko̱m lao. Mo̱ e ta e mápo̱ye̱ wa o jo̱nge̱le̱ ná we ná o be̱ diko̱m la moto nu peti jasame̱ o ngo̱nde̱ e? Abraham, nu ta longe̱ ya we̱nge̱ eyek’a ponda, a ta a belabe̱ ná diko̱m la Loba (Yakobo 2:23). Bape̱pe̱ Bibe̱l e to̱pedino̱ pe̱ ba ta ba bwane̱ mulatako ma diko̱m na Loba muńe̱nge̱, nde ba tombwane̱ pe̱ jita la minam. O bon ba we̱nge̱, bato o bepasi ba wase be̱se̱ ba timbi be̱ mako̱m ma Loba. Wa pe̱ we ná o be̱ diko̱m la Loba.

Be̱ diko̱m la Loba le tiki buka be̱ diko̱m la to̱ njika mot’a benama nde. Loba a si maso̱lise̱ mako̱m mao ma jemea tōm (Myenge 18:25). Be̱ la diko̱m la Loba di buki m’bwaṅ. Mot’a m’bwaṅ a wedi te̱nge̱, moni mao mu mabolabe̱ nde bape̱pe̱. Nde, ba bena be mako̱m ma Loba ba be̱n bema ba tiki to̱ moto a titino̱ ná a no̱ngo̱ne̱ babo̱.​—Mateo 6:19.

Bato bō̱ be ná ba wasa jeka wa o jokwa bia Loba. To mako̱m mo̱ngo̱ mō̱ na mbia me ná ma bola nika (Mateo 10:36, 37). Bape̱pe̱ ba mayo̱ye̱ te̱ wa to̱ sema wa, baise̱ na wame̱ne̱ ná, ‘Nja na mapulano̱ dolisane̱​—bato ba benama nga Loba e?’ Dutea jombwea ninka ná: Moto a kwalane̱ te̱ wa ná o si da pe̱ da, o masengane̱ mo̱ e? Na mbale ke̱m! E mapula ná o de ná o be̱ longe̱. Nde Loba a dongame̱n bola ná o be̱ longe̱ o bwindea! O s’ese̱le̱ so̱ tōmtom ná moto eke wa o jokwa ne̱ni weno̱ ná o be̱ diko̱m la Loba’.​—Yohane 17:3.