Ala o mambo mena me

Ala o ebambu a mongo

 DONGO 4

Ne̱ni bolane̱ mo̱ni o mbad’a bwam

Ne̱ni bolane̱ mo̱ni o mbad’a bwam

“Ba ba makase̱ malea be dibie̱.”Minia 13:10

Biso̱ be̱se̱ di be̱n ńo̱ng’a mo̱ni ná di sombweye mbia masu nje e mapule̱ babo̱. (Minia 30:8) O ka mbale̱, ‘mo̱ni mu mabola moto a be̱ mbaki.’ (Mulangwedi 7:12) Yena e be̱ mome nu bai na munj’ao son a ndutu o te̱se̱ miso̱ngi ma mo̱ni ńai ni te̱nge̱n, nde lo s’ese̱le̱ ná mo̱ni mu wane mpungu o diba lańu. (Efeso 4:32) Mome na munj’ao bangame̱ne̱ o lakisane̱le̱ na be̱ jo̱nge̱le̱ diwo̱ o domse̱ ne̱ni ­bolane̱ mo̱ni.

 1 BIŃO̱ BIA TE̱SE̱ MISO̱NGI MAŃU MA MO̱NI

NJE BIBE̱L E MAKWALANO̱: “Nja ńańu ńena nu mapule̱ longe̱ njongo, nde a si se̱le̱ ja wase, a dutea mususedi mao, nga a be̱n nje e dongame̱n o bo̱le̱ mo̱ e?” (Lukas 14:28) E mapula ye̱ke̱ite̱ ná lo domse̱ mwemba ne̱ni lo me̱nde̱no̱ bolane̱ mo̱ni mwańu. (Amos 3:3) Bińo̱ domse̱ nje lo be̱nno̱ ńo̱ngi o janda na mwaninga leno̱ ná lo busise̱ ońola nika. (Minia 31:16) Be̱ne̱ la mo̱ni o janda lambo di si mapula o kwala ná we eto̱m o janda mo̱. Keka ná o sambe bebale̱. Bolane̱ nde bukate̱ mo̱ni o be̱nno̱.Minia 21:5; 22:7.

NJE WENO̱ NÁ O BOLA:

  • Ombusa bińo̱ busise̱ ońola nje ye̱se̱ e mapule̱, bińo̱ babane̱ domse̱ ne̱ni lo mabolane̱no̱ mo̱ni mu peti

  • Yete̱na mo̱ni mu si koki, bola ná lo wutise̱ nje lo mandano̱. K’e­yembilan, o mulopo ma janda da o ngea, ipe̱le̱ bińo̱me̱ne̱ da

 2 BE̱ MBALE̱ WEMEYE PE̱ BETE̱MEDI BAŃU

NJE BIBE̱L E MAKWALANO̱: “Ońola nika sumwa lobango, moto te̱ a to̱po̱ne̱ munasango mbale̱.” (Efeso 4:25) Be̱ mbale̱, o langweye munj’ango̱ to̱so̱ mom’ango̱ bekusedi bo̱ngo̱ na mwaninga o mabusise̱no̱.

Ponda te̱ o mapulano̱ janda lambo le die̱, se̱le̱ kwalea na mom’ango̱ to̱so̱ munj’ango̱. (Minia 13:10) Be̱ la mbale̱ o bekwali ba mo̱ni di mawana musango o ndabo a diba. Emea ná, bekusedi bo̱ngo̱ be titi ba wame̱ne̱ mō̱, nde be nde mo̱ni ma mbia mwe̱se̱.1 Timoteo 5:8.

NJE WENO̱ NÁ O BOLA:

  • Bińo̱ so̱ṅtane̱le̱, mwaninga mō̱ ńańu te̱ eno̱ ná a busise̱ esibe̱ se̱le̱ baise̱ nune̱

  • O s’enge̱le̱ ná lo se̱le̱ wana ­myambo jombwea mo̱ni, denge̱ lo makwalea ońol’ao