Ala o mambo mena me

Ala o ebambu a mongo

Ne̱ni weno̱ ná o be̱ne̱ longe̱ di peti bwam e?

Ne̱ni weno̱ ná o be̱ne̱ longe̱ di peti bwam e?

LONGE̱ la nin we̱nge̱ di titi ka nje te̱ Loba a tano̱ a pula ná di be̱. Wase e ta ńangame̱n londa na bato ba mabole̱ doi la byanedi la Muwekedi edube, ba mabupe̱ malea mao, ba membilane̱ pe̱ ndol’ao na bene̱ bede̱mo bao. Loba a ta a pula ná ba bole ebolo mwemba na muńe̱nge̱, ba bongwe mbia mabu, bokwe mambo ma peńa, ba timbise̱ pe̱ wase ńe̱se̱ paradisi.

LOBA A KAKANE̱ O BOLA NÁ LONGE̱ O WASE DI BE̱ KA NE̱NI A TANO̱ A PULA

  • “A mabo̱le̱ bila nate̱na o su la wase.”​Myenge 46:10.

  • “Pond’a . . . ńamse̱ la ba ba mańamse̱ wase [nin].”​Bebīsedi 11:18.

  • “To̱ moto a si me̱nde̱ pe̱ kwala na: Na si jai bwam.”​Yesaya 33:24.

  • “Bapo̱so̱be̱ bam ba me̱nde̱ bolane̱ nje mā mabu ma po̱ngino̱ natē̱ ba dunse̱ mo̱.”​Yesaya 65:22.

Ne̱ni ben bedinge̱ be me̱nde̱no̱ londa e? Loba a te̱se̱ Mun’ao Yesu ka Kiṅ’a janea la ke̱nge̱nge̱ le o mo̱ń lena di me̱nde̱ janeye̱ wase. Bibe̱l e mabele̱ mo̱ ná Janea la Loba. (Daniel 2:44) Bibe̱l e makwala ońola Yesu ná: “Loba . . . a me̱nde̱ bola mo̱ kond’a janea . . . , a me̱nde̱ be̱ kiṅe̱.”​—Lukas 1:32, 33.

Ponda a tano̱ o wase, Yesu a po̱ngi betańsedi jita o lee̱le̱ ná ka Kiṅe̱, a me̱nde̱ bola ná bato ba be̱ne̱ longe̱ lena le bwam buka din la we̱nge̱.

YESU A LEE̱LE̱ NE̱NI A ME̱NDE̱NO̱ WANEA BATO BE SENGANE̱ MINAM

  • A bo̱lise̱ ńai a maboa ye̱se̱, o lee̱ ne̱ni a me̱nde̱no̱ bo̱le̱ sese ye̱se̱ bato ba be̱nno̱.​Mateo 9:35.

  • A kwese̱ munja ná pī, o lee̱ ne̱ni a me̱nde̱no̱ tata bato tongwea na be̱ne̱ ngińa omo̱ń a bewekedi.​Marko 4:36-39.

  • A dese̱ lokoli la bato, o lee̱ ná a me̱nde̱ bola bato nje ye̱se̱ e mapule̱ babo̱ ná ba be̱ longe̱.​Marko 6:41-44.

  • A timbise̱ madiba mao o ndema la diba, o lee̱ ná a me̱nde̱ jongwane̱ bato o bwane̱ longe̱ muńe̱nge̱.​Yohane 2:7-11.

Ne̱ni weno̱ ná o kusa longe̱ Loba a boṅsane̱no̱ ońola ba bena ba to̱ndi mo̱ e? Wangame̱n no̱ngo̱ “ngea” po̱. Bibe̱l e makwala ná ńe nde “ngea . . . ni malane̱ o longe̱; nde ngusu nde i madie̱ mo̱.”​—Mateo 7:14.

NE̱NI SO̱ NGEA NI MALANE̱ O LONGE̱ DI PETI BWAM

Nje ye nge’a longe̱ e? Bibe̱l e makwala ná: “Mba nde ne Yehova, Loba lo̱ngo̱, nu malee̱ wa nje ye ońola bwam bo̱ngo̱, na ńena nu madie̱le̱ wa o ngea o do̱lino̱ dangwa.” (Yesaya 48:17) O bupe̱ te̱ man malea, longe̱ lo̱ngo̱ di me̱nde̱ be̱ bonam.

 Yesu a kwali ná: “Mba nde ne ngea na mbale̱ na longe̱.” (Yohane 14:6) Tongwea na dube̱ mbale̱ yena Yesu a lee̱no̱ na bupe̱ eyembilan ao, nde jeno̱ ná di sisea be̱be̱ na Loba, di kusa pe̱ minam.

Ne̱ni weno̱ ná o so̱ nge’a longe̱ e? Bebasi be jita, nde Yesu a boli din jome̱le̱: “Seto̱ moto te̱ nu mabele̱ mba ná a Sango, a Sango, mo̱ nde a me̱nde̱ jingeye̱ o janea la mo̱ń, nde nu nu mabole̱ jemea la Tete̱ ńe o mo̱ń.” (Mateo 7:21) A kwali pe̱ ná: “Lo me̱nde̱ jemba babo̱ ońola bepuma babu.” (Mateo 7:16) Bibe̱l ńe ná ńongwane̱ wa o jemba njika jowe̱ le la mbale̱.​—Yohane 17:17.

Ne̱ni weno̱ ná o botea dangwa o nge’a longe̱ e? Wangame̱n jokwa o bia moto ńena nu weki mambo me̱se̱: Nja eno̱, dina lao, nje a to̱ndino̱, nje eno̱ o bola ońol’asu, na nje a mapulano̱ ná di bole. *

Loba a si mapula buka te̱ ná bato ba bole ebolo, ba de, ba longe̱le̱ ńolo, ba bongwe pe̱ mbia mabu. Jangame̱n pe̱ bia Muweked’asu na be̱ pe̱ mo̱ mako̱m. Je ná di lee̱ ná di to̱ndi mo̱ ke̱ di mabola jemea lao. Yesu a kwali ná: “Nde longe̱ la bwindea le nde ná ba bie wa, Loba la mbale̱ mō̱ me̱ne̱.”​—Yohane 17:3.

TONGWEA NA BIBE̱L, LOBA A MALEE̱ WA “NJE YE OŃOLA BWAM BO̱NGO̱.”​—YESAYA 48:17

BOTEA DANGWA O NGE’A LONGE̱

Ponda jeno̱ o jokwa ne̱ni do̱lisane̱ Loba, ye ná e pula ná di wane mawengisan mō̱ te̱nge̱. Nika ńe ná e be̱ ndutu. Nde niponda di maboteano̱ dangwa o nge’a longe̱, longe̱ lasu di mabe̱ bonam. Ná o so̱ malabe̱ ma myuedi ma mweńa jombwea Loba, Mboṅ a Yehova i me̱nde̱ to̱ndo̱ o jokwa Bibe̱l na wa esibe̱ sawa, o ponda na epolo ba do̱lisan wa. We ná o tilea biso̱ tongwea na mulomba masu www.jw.org.