Ala o mambo mena me

Ala o ebambu a mongo

Mo̱ o dia o mo̱nge̱le̱ e?

Mo̱ o dia o mo̱nge̱le̱ e?

Mo̱ o no̱ngi ponda o langa tema i tombi ya Njongo a Betatedi e? Keka so̱ te̱ jalabe̱ min myuedi mi bupe̱:

Nje bonasango ka baboledi ba bebondo na batudu o mwemba, bangame̱nno̱ bola ke̱ bebokedi ba Loba be boli bediedi e?

Bangame̱n nde be̱ makwasi o sengane̱. Be ná ba baise̱ na babo̱me̱ne̱ ná: ‘Mo̱ na mongwane̱ ba ba dinge̱le̱ mba o longa mulatako mabu na Yehova e? Mo̱ ne makwasi o jemea na sue̱le̱ bediedi di makusano̱ e?’w16.11-F, dip. 11.

Njika ponda Kriste̱n a mbale̱ yalono̱ o mikoma o Babilon e?

Nika e bolane̱ nde son a ponda ombusa kwed’a bamuloloma. O niponda, klas’a badiedi ba bebasi e botedi o je̱ne̱ne̱. Ebasi na manea ba sue̱le̱ belēdi be kwedi, ba wasa o dimse̱ doi la Kriste̱n i ta ka mbolako a bwam. Nde o mimbu mi se̱le̱ na 1914, bo̱kisabe̱ ba botedi o te̱me̱ wonja.w16.11-F, map. 23-25.

Ońola nje ebol’a Lefèvre d’Étaples e tano̱ mweńa e?

O mimbu má 1520, Lefèvre a tuko Bibe̱l na Fre̱nsi ná bato be̱se̱ a we̱le̱ langa mo̱. Beteledi bao ba bepasi ba Bibe̱l bongwane̱ Martin Luther, William Tyndale, na John kalvin.wp16.6-F, map. 10-12.

Njika diwengisan le oteten a “jo̱nge̱le̱ l’eyobo” na “jo̱nge̱le̱ la mudī” e? (Rom. 8:6)

Nu nu be̱n jo̱nge̱le̱ l’eyobo a mombwea nde ńo̱ngi na bepuledi bao b’eyobo, a mato̱pea pe̱ nde na sesa mambo m’eyobo ponda ye̱se̱. Nu nu be̱n jo̱nge̱le̱ la mudī a soke̱ nde longe̱ lao na mo̱nge̱le̱ mao o mambo me mulatako na Loba; ni ńai a Kriste̱n ńe nde owas’a ngiń’a mudī-musangi. Jo̱nge̱le̱ l’eyobo di malenea nde kwedi, nde jo̱nge̱le̱ la mudī longe̱ na musango.w16.12-F, map. 15-17.

Njika mambo mō̱ jeno̱ ná di bola ná di wutise̱ mutaka e?

Te̱se̱ mambo me mweńa o epol’a boso, bola bupisane̱ ngud’ango̱, tindea wame̱ne̱ buńa te̱ son a pond’a pī, bwane̱ bewekeki ba Loba muńe̱nge̱, be̱ne̱ ko̱lo̱ngo̱ne̱ la yo̱ lo̱, tuna ńolo ponda te̱, ko̱ pe̱ iyo̱ eyeka.w16.12-F, map. 22-23.

‘Heno̱k a ta a no̱ngo̱be̱, ná a s’e̱ne̱ kwedi.’ (Bon. 11:5) Ne̱ni e?

E me̱ne̱ne̱ biana Loba a tombe̱le̱ Heno̱k na yō̱ o kwedi esibe̱ mo̱ bia ná e o wo̱.wp17.1-F, map. 12-13.

Ońola nje sibise̱ la ńolo leno̱ mweńa e?

Sibise̱ la ńolo le nde bia la myoyo masu nikame̱ne̱ pe̱ na be̱ne̱ne̱ la biso̱me̱ne̱ lakisane̱ langame̱n. Jangame̱n o bia ne̱ni bedangwedi basu beno̱ ná be tapa bato bape̱pe̱, di si no̱ngo̱ pe̱ to̱ biso̱me̱ne̱ mweńa tomba moyo.w17.01, dip. 18.

Nje e malee̱ ná bwē ná Loba a die̱le̱ dibe̱le̱ di madie̱le̱ o pond’a ńo̱ṅo̱n a boso ka nje te̱ a madie̱le̱no̱ pe̱ Dibe̱le̱ di Madie̱le̱ o nin we̱nge̱ e?

Na jongwane̱ la mudī-musangi, ba so̱ṅtane̱ mbal’a Betiledi. Na jongwane̱ la ange̱l, bombwedi ebol’a dikalo, ba se̱medi pe̱ o Eyal’a Loba o pond’a bola la bediedi. Nika ńe̱se̱ ńe pe̱ mbale̱ we̱nge̱.w17.02, map. 26-28.

Njika mambo ma matute̱le̱ biso̱ o je̱ne̱ diko̱ti ka lambo le tiki e?

Mambo mane̱i mena me nde: moto nu boli mo̱, ońola nje di bolabe̱no̱, nje nika e tano̱ e baise̱ ka jabea, na njika ńo̱ngi ninde̱ne̱ ni londisabe̱. Jangame̱n o dutea ne̱ni man mambo meno̱ mweńa.wp17.2-F, map. 4-5.

Kriste̱n ńe ná e tukwa mo̱nge̱le̱ ombusa mo̱ no̱ngo̱ bedomsedi e?

Jangame̱n ja o byala basu. Nde dongo la ngedi, e mapula ná jombweye pe̱te̱ bedomsedi bō̱. Ponda bato ba Ninive bate̱le̱no̱, Loba a tuko bedomsedi bao jombwea babo̱. Ngedi iwo̱, bete̱medi ba peńa to̱ bobia ba peńa be ná ba baise̱ ná di bole mulemlem.w17.03, map. 16-17.

Ońola nje miso̱si meno̱ bobe e?

Nika ńe ná e wana si jalea la ńolo, nika e kolise̱ pe̱ ekwali. E be̱ ná di te̱nge̱n to̱ ke̱m, bolane̱ la byala ba bobe di si mawana musango tomtom.w17.04, dip. 21.