Ala o mambo mena me

Ala o ebambu a mongo

Mo̱ o ta o bia nika e?

Mo̱ o ta o bia nika e?

Mo̱ e ta e te̱nge̱ne̱ ná bandise̱ byembe o tempe̱l a Yerusalem ba belabe̱ ná “bato ba ndumban” e?

KALAT’A Mateo e makwala ná “na Yesu ingea o tempe̱l a Loba, a panga be̱se̱ bena ba ta bandise̱ na bena ba ta banda o tempe̱l, a kwese̱ tebed’a bawengisane̱ mo̱ni na bejedi ba bandise̱ mbenga, na mo̱ a kwalane̱ babo̱ ná: ‘E tilabe̱ ná: “Ndabo am e me̱nde̱ belabe̱ ná ndabo a bola la muka”, nde bińo̱ lo timbise̱ mo̱ mulomba ma bato ba ndumban.’”Mat. 21:12, 13.

Myango ma longe̱ la Baju mi malee̱ ná bandise̱ ńunga o tempe̱l ba ta ba susane̱ bandedi mususedi munde̱ne̱ ná ba dumbe babo̱. K’eyembilan, kalat’a Baju Mishnah (Keritot 1:7) e mato̱pea ońola ponda po̱ ńa ńo̱ṅo̱n a boso  P.A. ńena mususedi ma mbenga iba ońola jabea la dise̱ mondedino̱ o denario ńa gol po̱ ńena ni ta nde musawedi ma 25 ma mińa m’ebolo ońola muboledi nusadi. Mbenga to̱so̱ lodo lena lo ta nde jabea la dise̱ la mutued’a moto ba timbi jondea mususedi kańena mutuedi a si wusa pe̱ janda mo̱. (Lev. 1:14; 5:7; 12:6-8) Ben bete̱medi be ta be lingise̱ Rabi ben Gamaliel kańena a wutise̱ muso̱ngi ma mabea Baju ba tano̱ bangame̱n bola. Dibokime̱ne̱ na mususedi ma mbenga mu siba owas’a ebwea denario ńa gol po̱.

Di me̱ne̱ so̱ ná, Yesu a ta a te̱nge̱ne̱ o bele̱ bato ba ńunga ba tempe̱l ná “bato ba ndumban” ońola beboledi babu.