Ala o mambo mena me

Ala o ebambu a mongo

 LIVING AS CHRISTIANS

Bata be̱ jangwa o dikalo​—Pe̱pe̱le̱ dipe̱pe̱

Bata be̱ jangwa o dikalo​—Pe̱pe̱le̱ dipe̱pe̱

OŃOLA NJE NIKA ŃENO̱ MWEŃA: Bato jita ba malee̱le̱ ńo̱ngi ońola mwe̱ndi ma Janea be nde o wasa so̱ mbale̱ jombwea Loba. (Yes 55:6) Ná jokwe̱le̱ babo̱ son na son, jangame̱n pe̱pe̱le̱ babo̱ ponda na ponda te̱. Ńai na ńai a mitakisan i mako̱ye̱ bato, ońola nika nde jangame̱nno̱ be̱ne̱ mbadi ye diwengisan ya ńakise̱ ni ńo̱ng’abu. Nde di me̱nde̱ bata be̱ jangwa yete̱na di boṅsane̱ bwam, nde di tongwe̱le̱ pe̱ janda la pe̱pe̱le̱ te̱ lena le nde botea la jokwa la Bibe̱l.

NE̱NI BOLA NIKA:

  • We̱ ná o pomane̱ timba, yen ebe ombusa mińa to̱ mininga.​—Mat 13:19

  • Be̱ muyao n’edube. Bo̱bise̱ ńolo

  • Botea na masoma ma wea. Bele̱ nu moto na dina lao. O̱nge̱le̱ mo̱ ońola nje o po̱ino̱ pe̱te̱ pe̱pe̱le̱ mo̱​—pondapo̱ o jalabe̱ myuedi mō̱, o wanea mo̱ kalati nisukan busisabe̱, o lee̱ mo̱ mulomba masu, o lee̱ mo̱ sinima, to̱ o lee̱ mo̱ ne̱ni jokwa la Bibe̱l di matombano̱. Po̱ngulane̱ beto̱pedi bo̱ngo̱ yete̱na a lee̱le̱ ńo̱ngi ońola tema nipe̱pe̱.​—Fil 2:4

  • Langea mo̱ Betiledi to̱ die̱le̱ mo̱ kalati ná o myase̱le̱ madiba o mbolako a mbale̱ ni de̱be̱ o mulema mao. (1Kor 3:6) Keka be̱ne̱ mulatako na mo̱

  • Bokise̱ eyot’a pe̱pe̱le̱ di bupe̱