Ala o mambo mena me

Ala o ebambu a mongo

 LONGE̱ LA KRISTE̱N

Bata be̱ jangwa o dikalo​—Tila la maleta ma bwam

Bata be̱ jangwa o dikalo​—Tila la maleta ma bwam

OŃOLA NJE NIKA ŃENO̱ MWEŃA: Kalat’a 1 Korinto ńe o muso̱ngi ma 14 la maleta ńamuloloma Paulo a tilino̱ o jembe̱ bonasango. Leta di mabola mutiledi epolo o no̱ngo̱ ponda o po̱so̱ byala, nu ba tiledino̱ pe̱ e ná a langa mo̱ ngedi jita. Maleta me nde mbad’a bwam ńa te̱ye̱ mbia na beko̱lo̱ngo̱n dikalo. Ma mongwane̱ pe̱ jita o tapa bato di titino̱ ná di kwalisane̱ boso na boso. K’eyembilan, moto e ná a lee̱le̱ ńo̱ngi nde e be̱ ndutu o bomane̱ mo̱ o mboa. Ye ná e be̱ ndutu o tapa bato bō̱ ba mōnda masu ma dikalo ońolana ba maja nde o milongi to̱ kwata e titino̱ bu ná moto ingeye, to̱ o betika. Nje di s’angame̱nno̱ dimbea tobotobo ke̱ di matilea moto di si bino̱ e?

NE̱NI BOLA NIKA:

  • Tila nje o wusano̱ kwalane̱ mo̱ boso na boso. O bebotedi ba leta, langwa nja weno̱, o bīse̱ pe̱ ná bwē janda la leta lo̱ngo̱. Yen ebe we ná o baise̱ moto weno̱ tilea myuedi ma dutea mō̱, nde o loma pe̱ mo̱ o mulomba masu. Denge̱ o mateleye̱ mo̱ ne̱ni jokwa la Bibe̱l di matombano̱, to̱ bola mo̱ tem’a mokwa mō̱ me o kalat’asu po̱ ńa jokwa. We pe̱ ná o we̱le̱ bolanga oten, k’eyembilan dipapa la adre̱s, dipapa la bebeledi to̱ trakt

  • Be̱ esungu. Leta lo̱ngo̱ di s’angame̱n be̱ bwaba jita, ná di si wo̱lise̱ mulange̱ mo̱.​—Ombwa patan a leta

  • Bata langa mo̱ ná o bie nga mawuse̱ me oten, ná le ne̱te̱ di bo̱bi pe̱ o langa. Be̱ mbaki ná byala bo̱ngo̱ be malee̱le̱ muyao n’edube, be malo̱ko̱ pe̱