Ala o mambo mena me

Ala o ebambu a mongo

 LONGE̱ LA KRISTE̱N

Mo̱ o me̱ne̱ bede̱mo ba Loba be si me̱ne̱ne̱ e?

Mo̱ o me̱ne̱ bede̱mo ba Loba be si me̱ne̱ne̱ e?

O mombwa te̱ mbonji ni be̱n miso̱no̱ jita, dibobe̱ di londi na ngengeti, to̱ se̱pe̱, mo̱ o me̱ne̱ ebol’a Muwekedi e? Mambo Yehova a wekino̱ ma dinge̱le̱ biso̱ ma mabonde̱ bede̱mo bao be si me̱ne̱ne̱. (Ro 1:20) Di te̱m te̱ na biso̱ di dutea ońola nje miso̱ masu ma me̱ne̱no̱, di me̱ne̱ ngiń’a Loba, ndol’ao, dibie̱ lao, te̱me̱ lao la sim, na sanga lao la mulema.​—Mye 104:24.

Njika mambo Yehova a wekino̱ o me̱ne̱no̱ buńa te̱ e? To̱ e be̱ ná o maja nde o mundi munde̱ne̱, we ná we̱ne̱ lono̱n to̱ myele. No̱ngo̱ la ponda o jombwa nje Yehova a wekino̱ di mongwane̱ biso̱ o bola ná mutaka masu mu wo̱ye̱, o soke̱ mo̱nge̱le̱ masu o mambo me mweńa, na o ńakise̱ dube̱ di be̱nno̱ ná Yehova e ná ombwea biso̱ nate̱na o bwindea. (Mt 6:25-32) O be̱n te̱ bana, ongwane̱ babo̱ o je̱ne̱ bede̱mo ba Yehova be si be̱n elangisan. Ná di mabengano̱ bwane̱ bewekedi be dinge̱le̱ biso̱ muńe̱nge̱, nika nde di me̱nde̱no̱ pe̱ bata sisea be̱be̱ na Muwekedi.​—Mye 8:4, 5.

OMBWA SINIMA BETAŃSEDI BA BEWEKEDI BE MABONDE̱ EDUB’A LOBA​—MWE̱NE̱N NA MISO̱NO̱, DENGE̱ O MALABE̱ MIN MYUEDI:

  • Nje e mabole̱ ná je̱ne̱ miso̱no̱ e?

  • Nje e mabole̱ ná muso̱no̱ ma lambo mu tukwe bupisane̱ tongó weno̱ o jombwa mo̱ e?

  • Ońola nje dibobe̱ di be̱nno̱ miso̱no̱ me diwengisan e?

  • Njika miso̱no̱ me mpesa o bewekedi o me̱ne̱no̱ buńa te̱ e?

  • Ońola nje jangame̱nno̱ no̱ngo̱ ponda o jombwa bewekedi e?

Nje mwe̱ne̱n na miso̱no̱ ba mabonde̱no̱ jombwea bede̱mo ba Yehova e?