Ala o mambo mena me

Ala o ebambu a mongo

 LONGE̱ LA KRISTE̱N

“Dube̱ so̱ngo̱ na ńo̱ngo̱”

“Dube̱ so̱ngo̱ na ńo̱ngo̱”

Ponda Yesu a tano̱ o wase, a yikiye̱ nin mbenda ná: “Dube̱ so̱ngo̱ na ńo̱ngo̱.” (Bbu 20:12; Mt 15:4) Yesu a ta a ko̱lo̱ngo̱ne̱ to̱po̱ na bokenju ońolana a ta “a sibise̱ mo̱me̱ne̱” owas’a sango na ńango kana muna a mabolano̱. (Lu 2:51) A kokino̱, ombwedi ná ńango a bongwabe̱ ombusa kwed’ao.​—Yoh 19:26, 27.

O min mińa masu pe̱, beso̱mbe̱ be Kriste̱n be malee̱le̱ ná be dube̱ bayedi babu ke̱ be masengane̱ na kwalisane̱ pe̱ babo̱ n’edube. Betiledi be si te̱se̱ nate̱na o njika mimbu muna angame̱nno̱ dube̱ sango na ńango. To̱ e be̱ nde ná bayedi basu ba máduna, di benge bola babo̱ edube, ná dibie̱ labu di waneye biso̱ tombwane̱. (Min 23:22) Di mabola pe̱ bayedi basu ba mákokwe̱ mińa edube ke̱ di malee̱le̱ babo̱ ndolo na wanea pe̱ babo̱ jongwane̱. (1Ti 5:8) E be̱ ná je eso̱mbe̱ to̱ mudun, be̱ne̱ la ekwal’a bwam na bayedi basu nde le mbad’a mom ńa bola babo̱ edube.

OMBWA MADUTA O EBAMBU NE̱NI KWALISANE̱ SANGO AM NA ŃANGO AM E? DENGE̱ O MALABE̱ MIN MYUEDI:

  • Ońola nje yeno̱ ná e be̱ wa ndutu o kwalisane̱ bayedi bo̱ngo̱ e?

  • Ne̱ni lee̱le̱ bayedi bo̱ngo̱ edube ke̱ o makwalisane̱ babo̱ e?

  • Ońola nje yangame̱nno̱ ná o po̱nge miwe̱n o kwalisane̱ bayedi bo̱ngo̱ e? (Min 15:22)

    Kwalisane̱ la bayedi bo̱ngo̱ le ná longwane̱ wa ná o tongwe̱le̱ o longe̱